Matius 27:22 - En Taar Weru a nunuwu' é Tontemboan

²² Wo wuéien sumawel i Pilatus ai séra, “Sa taniitu, sapa e musti émaanku a si Yesus, si patuulen Kristus?” Séra im baya mangko', “Isalipo Sia!”

Matius 27:22 ပူးပေါင်းရင်းမြစ်များ

Matius 1:16

Wo si Yakub makatoyaang ngaranna Yusuf penanaan i Maria si itumou si Yesus, si patuulen Kristus.

Matius 27:17

Wo an tutuw é tou Yahudi mali'uso mai am balé i Pilatus, wo wuéienna ai séra, “Si séi en icasalé' miow iwekarku? Si Yesus Barabas kuma'pa si Yesus si patuulen Kristus?”

Matius 27:21

Wo wuéien i Pilatus a sé tou keli, “Asé rua tou itu, si séi en icasalé' miow iwekarku?” Isowat éra, “Si Barabas!”

Matius 27:23

Wuéien ka'i i Pilatus ai séra, “Sapa réén eng kaléwo-léwo'an niéma'-Na akar Sia isalip?” Taan makarepetke' taré séra maangko', “Isalipo Sia!”

Markus 14:55

Sé kikiiten é imam wo pakasa sé anggota Mahkamah Agama maéré-éré kasairian e méé kameséaan a si Yesus wosama' Sia makéré in ukuman patén, taan séra ra'ica makéré tuus.

Yohanes 4:25

Icua i wéwéné itu a si Yesus, “Kailekanku sapaoka si Mesias si patuulen ka'i Kristus maai oka. An tutuw Sia maai, icua-Na oka waya ai cami sé icasalé' i Amang Kasuruan.”

Kisah Para Rasul 13:28

Mandé ka'i ra'ica kinéréan éra en alasan e mukum Sia ang karapi in ukumen patén, pangileken éra a si Pilatus wosama' Sia patén.

Kisah Para Rasul 13:38

Anaé é poo-poow, icua ami ai camu sapaoka eng kamesé-meséaan iow ro'na makéré kaampungan ampa'paan si Yesus anio'. Taan sa kita asaloke' kumiit in ukum Torat, kita ra'ica nianggap wutul.