Matius 27:2 - En Taar Weru a nunuwu' é Tontemboan

² Wa'kesen éra Sia wo iwali éra mangé en isarakan a si Pilatus, si gubernur am bitu.

Matius 27:2 ပူးပေါင်းရင်းမြစ်များ

Matius 20:19

Isarakan éra oka Sia a sé bangsa ra'- ica Yahudi wosama' Sia para'i-ra'ien, samboken wo isalip éra. Taan asi endo katelu Sia touen oka sumawel.”

Matius 28:14

Wo sa kalingaan i gubernur en anio', icami oka e numuwu' ai sia wosama' kamu ra'ica ukumen.”

Lukas 13:1

Asi témpo itu, awéan piraan tou mai icumua a si Yesus in andumoro' é tou Galilea sé pinaté i Pilatus an tutuw éra ang karoro'an imaali mai i raragés a si Amang Kasuruan an Yerusalem.

Lukas 20:20

Wo si Yesus peméa-méan rékén é makailek wutul in Torat wo sé kikiiten é imam. Wo iru'du' éra mangé tou e mawere-weren si Yesus wo séra mapa in loor kéndo'. Sé tou itu mamuéi a si Yesus maké im buwuéien tanu kéndo' awéan si masalé' kailekan éra wosama' ro'na ta'kongen éra Sia. Wo sa Sia suméa' sumowat, isarakan éra oka Sia a si gubernur Romawi si makakawasa an sangkum itu en ukumen im patén.

Lukas 23:1

Wo pakasa é tou sé kumiit in sidang itu tumulung wo iwali éra mangé si Yesus saru a si gubernur Pilatus.

Lukas 23:12

Asi endo-endo lumangkoi si Herodes wo si gubernur Pilatus mekaréndér, taan asi endo ituke' séra mekaromaano sumawel.

Lukas 3:1

Muntep asi ta'un sangapulu' lima si Kaisar Tiberius makatimboi ing kakawasaan ang kakolanoan Romawi, si Pontius Pilatus mamuali gubernur an Yudea wo si Herodes makatimboi ing kakawasaan ang Galilea. Wo si Filipus tuari toloateken i Herodes, makatimboi ing kakawasaan an Iturea wo an Trakhonitis. Si Lisanias makatimboi ing kakawasaan an Abilene,

Yohanes 18:12

Kumawus in itu, si kikiiten é suraro Romawi wo sé suraro wo ka'i sé mengatéir im Balé Le'nas sé iparu'du' é kikiiten é agama Yahudi, tumangka' si Yesus wo wa'kesen éra.

Yohanes 18:24

Kumawus in itu, iru'du' i Hanas sé tou e makawali si Yesus a si imam wangko' Kayafas. An tutuw itu eng kama-Na pakawa'kesené'.

Yohanes 18:28

Asi Woondona mai imamoondopé' keli, iwali éra si Yesus am balé owo i Kayafas, wo mangé an istana i gubernur Romawi. Taan sé kikiiten é tou Yahudi itu ra'ica mekiit muntep an untep in istana itu ampa'paan paweroten é tou Yahudi najis em balé é tou ra'ica Yahudi. Ra'ica kiim éra numajis in owak éra, ampa'paan asi endo itu séra musti kuman ing kakanen Paska.

Kisah Para Rasul 12:6

Asi sanga wengi, an tutuw ra'ipé' niakim i Herodes si Petrus an dior é tou keli, si Petrus tumekel an uner é rua suraro wo eng kamana wina'kes in dua ranté mewali-wali wo iséra. Awéan ka'i suraro makatéir an dior im papalen im bui.

Kisah Para Rasul 21:33

Icateka' am bitu, si kikiiten itu rumuru mangé a si Paulus wo tangkaanna sia. Wo iru'du' i kikiiten itu si Paulus wa'kesen maké rua ranté. Wo pemué-muéienna si séi si Paulus wo sapa e niéma'na.

Kisah Para Rasul 22:25

Taan an tutuw éra i ma'kes wo sumambok sia, icuana a si perwira si matawoi am bitu, “Sa kumiit in atoran é pemerénta Romawi, ro'na réén sumambok si esa tou Romawi sa si tou itu ra'ipé' pineriksa?”

Kisah Para Rasul 22:29

Kelinga in aicua i Paulus sapaoka sia tou Romawi, anaé sé tou mesambo-sambok woo si Paulus makala'us sumoro' ai sia. Wo si kikiiten é suraro itu ka'i maindé' ampa'paan kinailekannao si Paulus si airu'du'na wa'kesen itu tou Roma.

Kisah Para Rasul 24:27

Lumangkoio rua ngata'un, si gubernur Feliks sawelan i Perkius Festus. Taan ampa'paan si gubernur Feliks meindo-indo in até a sé tou Yahudi wo iwayana si Paulus tangen i Perkius am bui.

Kisah Para Rasul 28:20

Ampa'paan in ituo pinangilekku kamu meta'up wo mepaar ang karapiku wosama' kailekan iow sa pakasa en aitudu éra a yaku ra'ica wutul. Ampa'paan aku maarap wo maéman a si Mesias si aijanji i Amang Kasuruan ai cita tou Israel, ampa'paan in ituo aku pakawa'kesen tanu sia'i.”

Kisah Para Rasul 3:13

Si Amang Kasuruan si pengaapo'an é apo-apo'ta Abraham, Ishak wo si Yakub, Siao e méma' si Yesus ata-Na itu iparayo-rayo wo pasiri-siriin. Si Yesus ituo si aisarakan iow wo aicélong iow an dior i Pilatus em patén, mandé ka'i si Pilatus e musé'o e mekar woo Sia.

Kisah Para Rasul 4:27

En aicua i Daud wutul imamualio ang kota anio'. Ampa'paan si Herodes, si Pontius Pilatus, sé tou ra'ica Yahudi, wo sé tou Israel imali'uso en sumundur si Yesus, si Ata Le'nas i Casuruan, Siao si Mesias.

Kisah Para Rasul 9:2

e mangilek surat kawasa em paalin am balé-walé paapo'an é agama Yahudi an Damsyik wo sa ipeta'upna sé tuama kuma'pa wéwéné sé makiit in sususuien i Yesus, séra tangkaanna wo paalinna an Yerusalem.

1 Timotius 6:13

Intarépé', an dior i Amang Kasuruan si méé mai waya ing katouan wo ka'i an dior i Yesus Kristus si cumua ing kasairian loor an dior i Pontius Pilatus, pangilekenku ai co,

2 Timotius 2:9

Ampa'paano aku makua in Abar Kaaruien itu, yaku pengaokoien é tou, pengawa'kesen éra i ranté tanuoka tou léwo', taan en taar i Amang Kasuruan ra'ica toro kawa'kesan.

Ibrani 13:3

Ta'néieno mangé sé kakélé miow sé an untep im bui, tanuoka kamu ka'i pakabuin mewali-wali wo iséra. Wo ta'néien ka'i sé kakélé miow paokoien, tanuoka kamu ka'i paokoien mewali-wali wo iséra.