Matius 27:18 - En Taar Weru a nunuwu' é Tontemboan

¹⁸ Sia mamuéi in taniitu, ampa'paan kailekanna sapaoka aisarakan é kikiiten é tou Yahudi si Yesus ampa'paan séra mangana-nganat ai Sia.

Matius 27:18 ပူးပေါင်းရင်းမြစ်များ

Matius 27:17

Wo an tutuw é tou Yahudi mali'uso mai am balé i Pilatus, wo wuéienna ai séra, “Si séi en icasalé' miow iwekarku? Si Yesus Barabas kuma'pa si Yesus si patuulen Kristus?”

Matius 27:19

Ang karoro'an i Pilatus makalukut am paakiman wo mai en taar si aicirim i penanaanna ai sia, “Tioo ko marambét am perkara i Tou wutul itu, ampa'paan Siao akar aku kawengi mangipi léwo'.”

Markus 15:10

Si Pilatus mamuéi in taniitu, ampa'paan kailekanna sa sé kikiiten é imam mangana-nganat a si Yesus.

Kisah Para Rasul 13:45

Taan an tutuw sérén é kikiiten é tou Yahudi sé tou keli itu, en até é kikiiten itu manganat keli. Anaé pakasa sé ipakua i Paulus wo si Barnabas, ipakélong wo ka'i paroros éra.

Kisah Para Rasul 5:17

Asi témpo itu, si imam wangko' wo sé tou Saduki sé makii-kiit isia, manganat keli a sé ruru'du'an wo tindaken éra.

Kisah Para Rasul 7:9

Wo sé kaka' tuama i Yusuf sé apo-apo'ta anio', manganat ai sia. Ampa'paano in itu, iwangkér éra sia an tana' Mesir. Taan si Amang Kasuruan mewali-wali wo isia,

Yakobus 4:5

Tioo kamu mawerot sapaoka ra'ica wana alasan si aipatic ang Kitap Le'nas tana'i, “E Roh si aiwéé i Amang Kasuruan ai cita, e Roh itu manganat sa kita ra'- ica le'tek a si Casuruan.”