Matius 27:11 - En Taar Weru a nunuwu' é Tontemboan

¹¹ Wo iwali éra si Yesus ipeta'up wo si Pilatus. Wo wuéienna a si Yesus, “Ulit réén Ico si Colano é tou Yahudi?” Isowat-Na, “Si amango in esa eng kumua in itu.”

Matius 27:11 ပူးပေါင်းရင်းမြစ်များ

Matius 10:18

Iwali oka éra ka'i kamu an dior é makakawasa wo sé kolano ampa'paan kamu mengakua in andumoro' Yaku. Wo en témpo itu musti pakén iow en sumairi andumoro' Yaku ai séra wo a sé bangsa sé ra'ica makatuus si Amang Kasuruan.

Matius 10:25

Loor sa si esa murit mamuali puté wo si guruna wo si esa ata puté wo si tuangna. Sa si makawalé patuulen im Beelzebul, wopé'taré pakasa sé am balé itu, tantu ngaranan oka éra in lébé wurukai.

Matius 2:2

Séra memué-muéi, “Am bisa Sia, si colano é tou Yahudi si makatoué' itu? Sinéréo ami si sumesendot-Na a micona wo kami mai eng kumundu en sumiri' Sia.”

Matius 26:25

Wo icua i Yudas si sumarakan oka Sia, “Ra'ica yaku é Gu- ru?” Wo icua i Yesus ai sia, “Icoo in esa en cumua!”

Matius 26:64

Wo isowat i Yesus, “Si Amango in esa en cumua in itu. Taan icua-Ku ai camu, tumo'tol asi oras anio' kaséréan iow oka si Toyaang i Tou makalukut ang kakan i Makakawasa, wo mai ang kayo'baan an dangka' ing kambung-kambung an langit.”

Markus 14:62

Wo isowat i Yesus, “Yakuo Sia. Kaséréan iow oka si Toyaang i Tou makalukut ang kakan i Makakawasa, wo mai an dangka' ing kambung-kambung an langit.”

Lukas 22:70

Wo séra im baya kumua, “Sa taniitu, Ico anio' réén si Toyaang i Amang Kasuruan?” Isowat i Yesus, “Icamu in esa en cumua sapaoka Yakuo Sia.”

1 Timotius 6:13

Intarépé', an dior i Amang Kasuruan si méé mai waya ing katouan wo ka'i an dior i Yesus Kristus si cumua ing kasairian loor an dior i Pontius Pilatus, pangilekenku ai co,