Matius 26:75 - En Taar Weru a nunuwu' é Tontemboan

⁷⁵ Wo kata'néiano i Petrus en aicua i Yesus ai sia, “Ra'ipé' kumukuk si co'ko', ko makateluo sumangkal Yaku.” Wo sia kumesot wo maamé' akar i masesendu'an oka.

Matius 26:75 ပူးပေါင်းရင်းမြစ်များ

Matius 10:33

Taan si séi en sumangkal Yaku an dior é tou, sia ka'i sangkalen-Ku oka an dior i Amang-Ku an sorga.”

Matius 26:34

Wo icua i Yesus ai sia, “En ulitna icua-Ku ai co é Petrus, asi wengi anio', ra'ipé' kumukuk karua si co'ko', ko isumangkalo Yaku makatelu.”

Matius 26:74

Wo tumo'tolo si Petrus kumutuk wo sumumpa, “Ra'ica katuusanku si Tou itu!” An tutuw ituke' kumukuko mai si co'ko'.

Yohanes 13:38

Isowat i Yesus ai sia, “Uli-ulit réén ko masalé' maté ampa'paan Yaku? En ulitna icua-Ku ai co, si co'ko' ra'ipé' kumukuk, ico isumangkalo Yaku makatelu.”

1 Korintus 4:7

Si séi réén iméma' icamu lumébémai wo sé tou walina? Awéan réén sé mamualio anu miow wo ra'ica asi Amang Kasuruan owo? Pakasa sé anu miow itu asi Amang Kasuruan owo, sa taniitu kéitu réén kamu marayo-rayo in owak tanuoka kéndo' sé mamualio anu miow itu ra'ica aiwéé i Amang Kasuruan?

Galatia 6:1

Poo-poow, sa si esa tou an uner iow kinakailekan méma' ing kaséaan, kamu sé menonou pakaakinen i Roh Le'nas, musti akinen iow si tou itu an lalan wutul ang karapi ing ko'kos en até. Wo téirano en owak iow in esa wosama' ra'ica katawéran im pangepé'an kaputé i tou méma' ing kaséaan itu.

1 Petrus 1:5

Ampa'paan kamu maéman a si Amang Kasuruan, pakatéiran-Na kamu ang karapi ing kawasa-Na, wosama' kamu ro'na tumerima ing kamang kalowiran sé aitu'tul-Nao em béé oka ai camu a si endo-endo kaka'puan ing kayo'baan.