Matius 26:74 - En Taar Weru a nunuwu' é Tontemboan

⁷⁴ Wo tumo'tolo si Petrus kumutuk wo sumumpa, “Ra'ica katuusanku si Tou itu!” An tutuw ituke' kumukuko mai si co'ko'.

Matius 26:74 ပူးပေါင်းရင်းမြစ်များ

Matius 10:28

Tioo kamu maindé' a sé tou sé asalo makawoo maté in owak iow taan ra'ica wana kawasa e maté i mu'kur iow. Taan maindé'o mangé a si Amang Kasuruan si makakawasa e maté in owak wo i mu'kur iow a naraka.

Matius 26:34

Wo icua i Yesus ai sia, “En ulitna icua-Ku ai co é Petrus, asi wengi anio', ra'ipé' kumukuk karua si co'ko', ko isumangkalo Yaku makatelu.”

Matius 26:73

Ra'ica mento' uré, sé tou am bitu mai a si Petrus wo kumua, “Tantu ko ka'i esaan ai séra, en tuusna kailekan ami am pakaroma'mu.”

Matius 26:75

Wo kata'néiano i Petrus en aicua i Yesus ai sia, “Ra'ipé' kumukuk si co'ko', ko makateluo sumangkal Yaku.” Wo sia kumesot wo maamé' akar i masesendu'an oka.

Matius 27:25

Wo isowat é tou keli itu, “Mandéo icami wo sé toyaang ami e mamuléng andumoro' im papaté i Tou anio'.”

Markus 14:30

Wo icua i Yesus ai sia, “En ulitna icua-Ku ai co, asi endo anio' asi wengi anio'ke', ra'ipé' kumukuk karua si co'ko', ico isumangkalo Yaku makatelu.”

Markus 14:68

Taan si Petrus isumangkalke', “Ra'ica kailekanku sapa en aicuamu.” Kekawus ako in itu si Petrus mangé am papalen wangko' im balé i imam wangko'. Asi témpo itu, kumukuko mai si co'ko'.

Lukas 22:60

Taan icua i Petrus ka'i, “Ra'ica, ra'ica kailekanku sapa em pakuamu itu.” An tutuw itu, ang karoro'anna i maroma'pé' wo kumukuko mai si co'ko'.

Yohanes 18:27

Taan sinangkalke' i Petrus wo asi témpo ituke' tumarépé'anke'mai kumukuko mai si co'ko'.

Roma 9:3

Séra itu poo-poowku kaputé wo yaku. Yaku in esa tu'tulo ing kutuken i Amang Kasuruan wo ipetané asi Kristus sa en itu ro'na méma' sé tou Israel itu malowir an ukuman ing kamesé-meséaan.

1 Korintus 16:22

Si tou ra'ica mengaupus si Apo' Yesus, sia itu tenan ing kutuk. Maranata!

Wahyu 3:19

Sé tou sé icaupus-Ku, sérao sé romaan-Ku wo samboken-Ku. Ampa'paan in itu maincaya'o mangé sumawel wo mape'diso.