Matius 26:63 - En Taar Weru a nunuwu' é Tontemboan

⁶³ Taan si Yesus makapeneske'. Wo icua i imam wangko' ai Sia, “Ang karapi i ngaran i Amang Kasuruan si menonou, icuao mai ai cami, Ico réén si Kristus Toyaang i Amang Kasuruan, kuma'pa ra'ica?”

Matius 26:63 ပူးပေါင်းရင်းမြစ်များ

Matius 16:16

Isowat i Simon Petrus, “Si Guruo si Mesias itu, si Toyaang i Amang Kasuruan si menonou!”

Matius 26:62

Wo si imam wangko' tumulung wo icuana a si Yesus, “Ra'- ica réén sowaten-Mu em patudu éra ai Co?”

Matius 27:12

Taan pakasa sé patudu é kikiiten é imam wo sé matu'a é tou Yahudi a si Yesus, ra'ica wana en sinowat-Na.

Matius 27:14

Taan si Yesus makapeneske', Sia ra'ica imasowa-sowat akar si gubernur mangaya-ngaya'ka'.

Matius 27:40

Icua éra ai Sia, “Éi! Icua-Mu kiné Ko ro'na tumongkar im Balé Le'nas wo wangunen-Mu sumawel asi telu ngandoke'. Sa uli-ulit Ko Toyaang i Amang Kasuruan, tumumpao mai asi salip itu wo lowireno en owak-Mu in esa.”

Matius 27:43

Sia maéman a si Amang Kasuruan, wo isumangkumo icumua sa Sia itu Toyaang i Amang Kasuruan. Anaé, intarépé' mandéo Sia lowiren i Amang Kasuruan, sa icasalé'-Na.”

Matius 27:54

Si kikiiten é suraro wo sé surarona sé makatéir si Yesus, séra maindé' keli an tutuw i makaséré im pangéro' repet wo pakasa sé mamuali. Wo icua éra, “Si Tou anio', uli-ulit Toyaang i Amang Kasuruan!”

Matius 4:3

Wo si kikiiten é sétang mai wo kumua, “Ampa'paan Ko Toyaang i Amang Kasuruan, peréntano sé watu anio' wosama' mamuali roti.”

Markus 14:61

Taan si Yesus asaloke' imakapenes, Sia ra'ica sumowat in sapa-sapa. Wo wuéien ka'i i imam wangko' ai Sia, “Icoo réén si Mesias, si Toyaang i parayo-rayo ami?”

Yohanes 1:34

Sinérékuo in esa, anaé yaku méé ing kasairian sapaoka Siao si Toyaang i Amang Kasuruan.”

Yohanes 1:49

Icua i Natanael a si Yesus, “Guru, Ico Toyaang i Amang Kasuruan, Ico Kolano é tou Israel!”

Yohanes 10:24

Wo sé tou Yahudi mali'usai wo lumi'cir a si Yesus wo icua éra, “Akar kawisa réén iwaya-Mu kami marua-rua wasa? Sa Ko Mesias, icuao mai ai cami tioo ipaene-enep.”

Yohanes 10:30

Yaku wo si Amang-Ku esa.”

Yohanes 10:36

kéitu réén ipakua miow Aku maojat si Amang Kasuruan, tutuw-Ku makua Yaku anio' Toyaang i Amang Kasuruan? Yaku si sinisir-Na wo ayutus-Na mai ang kayo'baan.

Yohanes 18:37

Wo icua i Pilatus ai Sia, “Anaé, kolano réén Ko?” Isowat i Yesus, “Ico en icumua sapaoka Yakuo si colano. Yaku aitou wo mai ang kayo'baan eng kumua in sususuien wutul andumoro' i Amang Kasuruan. Si séike' sé masalé' luminga in sususuien wutul andumoro' i Amang Kasuruan, tantu pengalinganna sé ipakua-Ku.”

Yohanes 19:7

Wo icua é tou Yahudi itu a si Pilatus, “Icami awéan ukum, sa kumiit in ukum itu, Sia musti ukumen im patén, ampa'paan Sia mawerot en owak-Na Toyaang i Amang Kasuruan.”

Yohanes 19:9

Wo sia muntep sumawel an istana itu, wo kumua a si Yesus, “Am bisa owo réén Ko mai?” Taan ra'ica wana sapa-sapa en aisowat i Yesus ai sia.

Yohanes 20:31

Taan pakasa sé aipatico asi kitap anio', en itu aipatic wosama' percayan iow si Yesus ituo si Mesias wo Toyaang i Amang Kasuruan, wosama' percayan iow Sia wo kéréan iow eng katouan akar ing kauré-uré.

Yohanes 6:69

Icami anio' maémano wo makaileko si Tuang itu Le'nas si ayutus i Amang Kasuruan.”

Yohanes 8:25

Wuéien éra ai Sia, “Si séi réén Ko?” Isowat i Yesus, “Si séi Yaku en ulitna, aicua-Kuo ai camu tumo'tolke' mai indior.

2 Korintus 1:19

Ampa'paan si Yesus Kristus, Toyaang i Amang Kasuruan, ra'ica icumua “én” kekawus in itu “ra'ica”. Si Kristus ituo si ayabar i Silas, Timotius wo yaku ai camu. An untep i Kristus asaloke' awéan “én”.

1 Petrus 2:23

An tutuw Sia ipawa'ba' é tou, ra'ica kiim-Na sumuli' imawa'ba' iséra. An tutuw Sia pengaokoien, ra'- ica kiim-Na in sumundur. Taan Sia isumarakanke' in owak-Na a si Amang Kasuruan, si Akim si ra'ica marapit.