Matius 26:55 - En Taar Weru a nunuwu' é Tontemboan

⁵⁵ Wo an tutuw ituke', icua i Yesus a sé tou keli sé mai itumangka' Sia, “Paweroten iow réén Aku anio' tou léwo' akar kamu mai tumangka' Yaku maali-ali in sa'bel wo im papangkur? Susur in endo penéré-nérén iow Aku makalukut masusui am Balé Le'nas, wo ra'ica tinangka' miow Aku.

Matius 26:55 ပူးပေါင်းရင်းမြစ်များ

Matius 21:23

An tutuw i Yesus icateka'o ang kintal im Balé Le'nas wo Sia tumo'tolo sumusui a sé tou, wo mai sé kikiiten é imam wo sé matu'a é tou Yahudi. Wuéien éra, “Maké ing kawasa sapa réén akar ro'na émaan-Mu waya en itu? Si séi réén e iméé ing kawasa itu ai Co?”

Matius 26:47

An tutuw i Yesus maroma'pé', wo mai si Yudas si esaan asé sangapulu' rua murit-Na mewali-wali wo sé tou keli sé maali-ali in sa'bel wo im papangkur. Séra airu'du' é kikiiten é imam wo sé matu'a é tou Yahudi.

Markus 10:1

Asi tampa itu oka wo si Yesus mangé an sangkum in Yudea wo an sangkum in lewet in doyongan Yordan, wo keli ka'i en tou mai mali'us an li'cir-Na. Wo tanu ka'i ing kanaramen-Na mengasusui ai séra.

Markus 12:35

An tutuw i Yesus masusuié' am Balé Le'nas, wo icua-Na, “Tumambisa sé makailek wutul in Torat makua sapaoka si Kristus itu taranak i Daud?

Lukas 19:47

Susur in endo si Yesus masusui am Balé Le'nas. Sé kikiiten é imam é tou Yahudi wo sé makailek wutul in Torat wo sé tou pasiri-siriin é tou Yahudi rumaméji maté Sia.

Lukas 20:1

Asi sangando, an tutuw i Yesus masusui a sé tou keli wo makua in Abar Kaaruien am Balé Le'nas, wo mai am bitu sé kikiiten é imam, sé makailek wutul in Torat wo sé matu'a é tou Yahudi.

Lukas 4:20

Pakabacanai i Yesus si aipatic asi tuus itu wo gulungen-Na eng kitap itu wo iwéé-Na sumawel a si tou matawoi am bitu wo Sia lumukut. Pakasa é tou an untep im balé paapo'an é agama Yahudi itu makatéinteng Sia.

Yohanes 7:14

Wo ang karoro'an i mapésta, si Yesus muntep ang kintal im Balé Le'nas wo tumo'tolo Sia sumusui.

Yohanes 7:28

An tutuw i Yesus ang karoro'ané' masusui am Balé Le'nas, Sia taangko' i makua, “Wutul kamu makatuus Yaku wo kailekan iow Aku am bisa owo mai. Taan Aku mai ra'ica ampa'paan ing kasalé'an-Ku in esa. Yaku mai ampa'paan si Amang Kasuruan e mutusai Yaku. Sia itu wutul, taan Sia ra'ica katuusan iow.

Yohanes 8:2

Asi woondona mai, tutuw imamoondopé' keli, si Yesus maréng angé ka'i am Balé Le'nas, wo keli en tou sé imai ai Sia. Wo Sia lumukut en sumusui ai séra.

Yohanes 8:20

E nunuwu' anio' aicua i Yesus tutuw Sia masusui an diit im piti-piti pengapumpunan in doit raragés am Balé Le'nas. Taan ra'- ica wana mandé esake' tou en tumangka' Sia, ampa'paan ra'ipé' an témpona.