Matius 26:53 - En Taar Weru a nunuwu' é Tontemboan

⁵³ Kuma'pa werotenmu réén Aku ra'ica makawoo mekiupus a si Amang-Ku wosama' iru'du'-Na sé malaékat-Na ilumébémai asé sangapulu' rua ngareru' suraro é malaékat e mai tumawang Yaku?

Matius 26:53 ပူးပေါင်းရင်းမြစ်များ

Matius 25:31

“Sa si Toyaang i Tou maai ang karapi i rarayo wo in sisiri'-Na mewali-wali wo sé malaékat-Na, Sia lumukut oka am palukutan pasiri-siriin.

Matius 4:11

Kekawus in itu, si Yesus itela'u i kikiiten é sétang. Wo sé malaékat mai en sumelewir Sia.

Markus 5:15

Séra mai a si Yesus wo sérén éra si tou rinasuk i roh léwo' si Legion makalukut am bitu. Si tou itu imasama'o wo kumaraio. Keséré éra isia, séra maindé'.

Markus 5:9

Wo wuéien i Yesus a si tou itu, “Sapa réén e ngaranmu?” Isowatna, “E ngaranku Legion, ampa'paan kami kelian.”

Lukas 8:30

Wo wuéien i Yesus a si tou itu, “Sapa réén e ngaranmu?” isowatna, “E ngaranku Legion,” ampa'paan kelian sé sétang irumasuk sia.

Yohanes 10:18

Ra'ica ka'i wana esaan tou e ro'na maté Yaku, taan kasalé'an-Ku in esa en sumarakan in owak-Ku. Ampa'paan Aku awéan kawasa e méé in owak-Ku im patén, wo Yaku ka'i awéan kawasa en tumou sumawel in owak-Ku. Si Casuruan Amang-Ku e rumu'du'o Yaku méma' in itu.”

Yohanes 18:36

Isowat i Yesus, “Eng Kakolanoan-Ku ra'ica asi cayo'baan anio'. Sa eng Kakolanoan-Ku asi cayo'baan anio', tantu sé makiit Yaku sumundur oka wosama' Aku ra'ica isarakan a sé tou Yahudi. Taan eng Kakolanoan-Ku ra'ica asi cayo'baan anio' owo.”

2 Tesalonika 1:7

Émaan-Na oka ka'i kamu wo icami cawekar an okoi wo ang kawenduan an tutuw si Apo' Yesus tumumpa mai a mangé en sorga owo. En itu mamuali an tutuw i Apo' Yesus mapaturu' in owak-Na mewali-wali wo sé malaékat-Na si wuta ing kawasa.

Yudas 1:14

Awéan si taranak kapitu i Adam makangaran Henokh, sia kumua i nunuwu' i Amang Kasuruan andumoro' sé tou itu. Icuana in tana'i, “Si Casuruan maai oka ang karapi é mariwu-riwu malaékat le'nas.