Matius 26:37 - En Taar Weru a nunuwu' é Tontemboan

³⁷ Wo iwali i Yesus si Petrus wo sé rua toyaang i Zebedeus kumiit ang karapi-Na. Sia tumo'tolo mapendam im bendu wo ra'io makaaté in sama'.

Matius 26:37 ပူးပေါင်းရင်းမြစ်များ

Matius 17:1

Wo kelangkoi angé in enem ngando, iwali i Yesus si Petrus wo sé rua metuari si Yakobus wo si Yohanes sumosor am puruk in esa kuntung rangka'. Am bitu waya iséra in telu ang karapi i Yesus.

Matius 20:20

Si Penanaan i Zebedeus ang karapi é rua toyaangna mai a si Yesus, wo kumundu an dior-Na e mangilek ai Sia.

Matius 4:18

An tutuw i Yesus imawaya' an tembir in lour Galilea, sérén-Na sé rua metuari, séra ituo si Simon si patuulen Petrus wo si Andreas tuarina. Séra ang karoro'an malombo' in lolombo' an lour, ampa'paan en tawoien éra mengaéré sera'.

Matius 4:21

Kekawus in itu, si Yesus lumala'us im bawayaan wo kaséréan-Na ka'i sé rua metuari walina toya-toyaang i Zebedeus, sérao si Yakobus wo si Yohanes tuarina, mewali-wali wo si amang éra si ang karoro'an mawutul in lolombo' an untep in londéi. Séra towan i Yesus.

Markus 5:37

Wo ra'ica kiim i Yesus keli en tou eng kumiit Sia, Sia asalo imakawali si Petrus, si Yakobus, wo si Yohanes si tuari i Yakobus.

Lukas 22:44

Wo si Yesus mendam tambisa eng kauterna ing kawenduan wo maindé', anaé Sia lébé mauli-ulit masombayang. Wo en limuut-Na mamuali tanuoka enda' matiis an tana'.]

Yohanes 12:27

Icua ka'i i Yesus, “Wendu keli Aku. Ra'io kailekan-Ku sapa si musti icua-Ku. O Amang, tawangenai wo émaano mai Aku ra'ica mendam in oras ing kasusaan anio'. Taan Aku ra'ica toro mekiupus tanu siitu, ampa'paano i mendam ing kawenduan anio' Aku mai ang kayo'baan anio'.