Matius 26:35 - En Taar Weru a nunuwu' é Tontemboan

³⁵ Taan icua i Petrus, “Mandé ka'i yaku maté mewali-wali wo si Guru, ra'ica sangkalenku si Guru.” Pakasa sé murit walina kumua ka'i in taniitu.

Matius 26:35 ပူးပေါင်းရင်းမြစ်များ

Matius 10:33

Taan si séi en sumangkal Yaku an dior é tou, sia ka'i sangkalen-Ku oka an dior i Amang-Ku an sorga.”

Yohanes 13:37

Icua i Petrus a si Yesus, “Tuang, kéitu réén aku ra'ipé' makawoo kumiit si Tuang intarépé'? Icasalé'ku maangé ang karapi-Mu mandé ka'i aku patén ampa'paan makiit Ico.”

Roma 11:20

En itu wutul. Séra aitiya' ampa'paan séra ra'ica maéman, wo kamu tinerima ampa'paan kamu maémano. Anaé, kamu tioo matirayo, aweso taré kamu maindé'o mangé a si Amang Kasuruan.

1 Korintus 10:12

Ampa'paano in itu, si séi e mawerot em paémanenna ketero, sia musti mareti-reti wosama' sia ra'ica taporak méma' ing kamesé-meséaan.

Filipi 2:12

Poo-poow sé icaupusku! Kailekanku an tutuwku ang karapi miow, kamu tatap le'tek a yaku. Taniitu ka'i intarépé' an tutuwku mentayangan wo icamu, pangilekenku tatap tawoien angé ang karapi mauli-ulit eng kalowiran iow wo ang karapi wuta ing kaindé'an a si Amang Kasuruan, wo menonou angé kiit in sapa si patus émaan é tou sé linowir-Nao.

1 Petrus 1:17

An tutuw iow mengasombayang a si Amang Kasuruan, Sia patuulen iow “Amang”. Siao e maakim sé tou kumiit im pinengaéma'na, ra'ica maséré ing gio. Ampa'paano in itu, siriino mangé Sia ang kauré miow menonou asi kayo'baan anio' tanu tou sé asalo imanangkéi.