Matius 26:28 - En Taar Weru a nunuwu' é Tontemboan

²⁸ Ampa'paan si anio' en enda'-Ku, si enda' perjanjian si aituas torona ing kaampungan ing kamesé-meséaan é tou keli.

Matius 26:28 ပူးပေါင်းရင်းမြစ်များ

Matius 20:28

En itu meputé wo si niéma' i Toyaang i Tou. Sia maai ang kayo'baan anio' ra'ica maai selewiran é tou taan en sumelewir sé tou wo méé in owak-Na in esa en tumu'bus ing kamesé-meséaan é tou keli.”

Matius 26:27

Kekawus in itu indon-Na em paelepan in anggor wo kumua i makapulu'sama'. Wo iwéé-Na ai séra wo kumua, “Melepo waya kamu asi paelepan anio'!

Matius 26:29

Taan icua-Ku mangé ai camu, tumo'tol intarépé' Aku ra'io kawisa ka'i melep in anggor anio', akar asi endona Aku melep in anggor weru mewali-wali wo icamu ang Kakolanoan i Amang-Ku.”

Matius 6:12

Wo ampunganai eng kamesé-meséaan ami, kaputé ami ka'i mawéé ing kaampungan a si tou si méma' ing kameséaan ai cami.

Markus 1:4

Wo si Yohanes Mabaptis mai an tana' kapayasan wo icuana, “Mape'diso mangé ang kamesé-meséaan wo iwééo mio' en owak iow im baptisen wosama' eng kamesé-meséaan iow ampungan oka.”

Markus 14:24

Icua-Na ai séra, “Si anioo en enda'-Ku, enda' im perjanjian si aituas torona é tou keli.

Lukas 22:19

Kekawus in itu indon-Na e roti, wo kumua mangé makapulu'sama' a si Amang Kasuruan. Wo te'bi-te'biin-Na e roti itu, yéké-Na ai séra, icua-Na, “Si anioo en owak-Ku si aisarakan torona miow. Émaano mangé en anio' en tuma'néi Yaku!”

Lukas 22:20

Taniitu ka'i kekawus ing kuman i roti, indon-Na ka'i em paelepan si tinuasan-Nao in anggor wo iwéé-Na ka'i ai séra, wo kumua, “En anggor am paelepan anio', tanu im perjanjian weru i Amang Kasuruan wo sé tou, si nisahkan in enda'-Ku si aituas akar i maka'pu en lumowir icamu.

Roma 5:15

Taan e niéma' éra in dua ra'ica puté, ampa'paan eng kamang aitambér i Amang Kasuruan en lébé wangko' mai sa ipeputé wo ing kasiwakan ing kameséaan i Adam. Eng kameséaan i esa tou méma' keli en tou imaté, taan eng kamang aitambér i Amang Kasuruan méma' keli en tou malowir. Eng kalowiran itu asalo aitambér-Na wo torona é pakasa sé tou ampa'paano i esa tou Siao si Yesus Kristus.

Roma 5:19

Anaé, ampa'paano si esa tou ra'ica le'tek a si Amang Kasuruan, pakasa en tou imamualio tou ang kamesé-meséaan, taniitu ka'i ampa'paano i esa Tou si le'tek a si Amang Kasuruan, pakasa en tou nianggap wutul i Amang Kasuruan an dior-Na.

1 Korintus 11:25

Taniitu ka'i, kumawus ako séra icuman roti, indon i Apo' Yesus em paelepan in anggor wo icua-Na a sé murit-Na. “En anggor an untep im paelepan anio' tanu perjanjian weru si nisahkano in enda'-Ku. Susur iow melep in anio', émaano mangé en anio' en tuma'néi Yaku.”

Efesus 1:7

Ampa'paano in enda' i Yesus Kristus wo ampa'paan kita meesao ang karapi-Na, icita tinu'buso, eng kaangéanna kita niampungano ang kamesé-meséaanta. Wo siituo en upus wangko' si aitambér i Amang Kasuruan ai cita.

Kolose 1:14

Ampa'paano si Toyaang-Na itu akar kita tinu'buso, eng kaangéanna eng kamesé-meséaanta niampungano i Amang Kasuruan.

Kolose 1:20

Wo ampa'paan si Kristus ituo, akar émaan i Amang Kasuruan pakasa sé ang kayo'baan wo sé an sorga meeluran sumawel wo Sia. Niéma'-Na pakasa ro'na meeluran sumawel wo Sia, ampa'paano in enda' i Kristus si maté ang kayu salip.

Ibrani 10:29

Anaé, ro'nao kawerotanta tambisa eng kauter in ukuman a sé tou sé maepes im beren asi Toyaang i Amang Kasuruan wo maanggap ra'ica wana wééna en enda' perjanjian si ro'na meresi ing kamesé-meséaan éra, wo sé mengaroros i Roh e mawéé in upus tatambér ai cita.

Ibrani 13:20

Si Yesus Apo'ta tinou sumawel i Amang Kasuruan am papaté. An tutuw Sia imaté en enda'-Na makatiti-titis wo en enda'-Na itu iméma' im perjanjian weru mapaké akar ing kauré-uré. Anaé, Sia mamuali Gembala Wangko' torona icita. Ampa'paano in itu pekiupusenku a si Amang Kasuruan si palemboian ing kaeluran torona miow,

Ibrani 9:28

Taniituo ka'i si Kristus, si makaesake' imaté mamuali iparagés en tumu'bus ing kamesé-meséaan é tou. Kekawus in itu Sia maai karua, ra'io en tumu'bus ing kamesé-meséaan é tou keli, taan e méé ing kalowiran a sé tou sé maento-ento' Sia.

1 Yohanes 2:2

Sia imaté mamuali raragés wosama' pakasa eng kamesé-meséaanta ro'na ampungan-Na. Wo ra'ica ing kamesé-meséaantake' en ampungan, taan ka'i eng kamesé-meséaan é pakasa in tou ang kayo'baan anio'.

Wahyu 7:14

Wo sowatenku, “Tuang! Si tuang e makailek.” Wo icuana a yaku, “Séra ituo sé tou ilumangkoio mai ing kawenduan wangko'. Wo pakén éra en enda' i Toyaang i Domba eng kumemes in juba éra wo méma' akar i makulo'.

Wahyu 7:9

Kekawus in itu, sérénku ka'i sangareru' tou sé ra'io karékénan eng kakelina. Séra itu asé im pakasa im bangsa, in suku, i negara, wo i nunuwu'. Séra makatulung an dior im palukutan pasiri-siriin wo an dior i Toyaang i Domba itu. Séra mekarai ing kulo' wo eng kama éra makatimboi in lala-lalaina im palem.