Matius 26:18 - En Taar Weru a nunuwu' é Tontemboan

¹⁸ Wo isowat-Na, “Mangém ang kota Yerusalem, ipeta'up oka miow si esa tuama wo icua mio' en taar-Ku ai sia, ‘En oras i Guru makatawio, Sia masalé' kuman mewali-wali wo sé murit-Na am balému en tuma'néi in endo wangko' Paska.’ ”

Matius 26:18 ပူးပေါင်းရင်းမြစ်များ

Matius 21:3

Sa awéan tou tumegor icamu, icuao mio' in tana'i, ‘Paperlun i Tuang ami, wo makala'us oka iwaréng-Na mai sumawel am bia'i.’ ”

Matius 23:10

Tioo ka'i kamu masalé' im patuulen éra ‘kikiiten’, ampa'paan wayake' in esa eng Kikiiten iow, Siao si Kristus.

Matius 23:8

Taan kamu, tioo masalé' im patuulen éra ‘guru’! Ampa'paan si Guru miow wayake' in esa wo icamu im baya mepoow.

Matius 26:19

Wo émaan é murit-Na tanu si airu'du'-Na ai séra. Wo tu'tulen éra eng kakanen Paska itu.

Matius 26:2

“Kailekan iow, en endo wangko' Paska waya oka i rua ngando wo si Toyaang i Tou isarakan oka in salipen.”

Matius 26:49

Icateka' mangé séra am bitu, si Yudas makala'us rumuru mangé a si Yesus wo icuana, “Siri' é Guru!” Wo ciomenna si Yesus.

Markus 5:35

An tutuw i Yesus maroma'pé', mai sé tou am balé i Yairus owo. Wo icua éra a si Yairus, “Si toyaang i tuang imatéo. Anaé, nomoo sumusa si Guru.”

Lukas 22:53

Susur in endo Aku ang karapi miow am Balé Le'nas wo ra'ica tangkaan iow Aku. Taan asi endo anioo en oras iow tumangka' Yaku wo asi oras anioo si makakawasa ing kariréimbengan mai kumawasa.”

Yohanes 11:28

Kumawus ako i Marta kumua in taniitu a si Yesus, sia maréng angé sumawel am baléna en tumowa si poowna Maria wo icewitna ai sia, “Si Guru am biao, patowan-Na ko.”

Yohanes 12:23

Wo icua i Yesus ai séra, “Maayo en témpona si Toyaang i Tou iparayo-rayo wo pasiri-siriin.

Yohanes 13:1

Matawio en endo wangko' Paska wo kailekano i Yesus ra'io uré ka'i tela'u-Na eng kayo'baan anio' e maréng angé sumawel a si Amang-Na. Ipaupu-upus-Na keli sé tou sé imamualio anu-Na ang kayo'baan anio', wo icaupus-Na séra akar ing kaakaran ing katouan-Na.

Yohanes 17:1

Kekawusai i Yesus kumua im pakasa in itu, Sia kumanat angé an langit wo sumombayang, “O Amang, an témponao! Irayoo wo siriino mai si Toyaang-Mu, wo in taniitu si Toyaang-Mu ka'i ro'na rumayo wo sumiri' Si Amang.

Yohanes 20:16

Wo icua i Yesus ai sia, “Maria!” Wo si Maria ka'i maréng in somoi wo rumoma' a nunuwu' Ibrani, “Rabuni!”, eng kaangéanna, ‘Guru’.

Yohanes 7:30

An tutuw i Yesus kumua in taniitu, raméjin éra in tumangka' Sia. Taan ra'ica wana mandé esake' tou e méma' in sapa-sapa ai Sia ampa'paan ra'ipé' mai en témpo si aitantuo i Amang Kasuruan.

Yohanes 7:6

Wo icua i Yesus ai séra, “Ra'ipé' an témpona Aku maangé. Taan sa kamu kawisake' ro'na maangé.

Yohanes 7:8

Icamuo taré sé maangé am pésta pata'néian in endo wangko' itu. Sa Aku ra'ipé' maangé ampa'paan ra'ipé' an témpona Aku maangé.”