Matius 26:14 - En Taar Weru a nunuwu' é Tontemboan

¹⁴ Awéan esaan asé sangapulu' rua murit i Yesus, makangaran i Yudas Iskariot mangé a sé kikiiten é imam.

Matius 26:14 ပူးပေါင်းရင်းမြစ်များ

Matius 10:4

Simon tou Zelot, wo si Yudas Iskariot si kumianat oka si Yesus.

Matius 26:25

Wo icua i Yudas si sumarakan oka Sia, “Ra'ica yaku é Gu- ru?” Wo icua i Yesus ai sia, “Icoo in esa en cumua!”

Matius 26:47

An tutuw i Yesus maroma'pé', wo mai si Yudas si esaan asé sangapulu' rua murit-Na mewali-wali wo sé tou keli sé maali-ali in sa'bel wo im papangkur. Séra airu'du' é kikiiten é imam wo sé matu'a é tou Yahudi.

Matius 27:3

An tutuw ing kailekano i Yudas Iskariot, si tou isumarakan si Yesus sapaoka si Yesus pinusé'o in ukumen patén, maneselo sia. Wo iwaréngna sumawel sé telu ngapulu' roit pérak a sé kikiiten é imam wo a sé matu'a é tou Yahudi.

Yohanes 12:4

Taan esaan asé murit i Yesus, makangaran i Yudas Iskariot si sumarakan oka si Yesus kumua,

Yohanes 13:2

An tutuw i Yesus wo sé murit-Na ang karoro'an i makan im bengi, si kikiiten é sétang icumewito im basa léwo' an até i Yudas Iskariot toyaang i Simon wosama' kumianat a si Yesus.

Yohanes 13:26

Isowat i Yesus ai sia, “Si tou si wéan-Ku oka i roti si aito'to'-Ku am paelepan, isiao si tou itu.” Makaroma' mako, wo si Yesus mindo sangate'bi' roti, ito'to'-Na mio' am paelepan, wo iwéé-Na a si Yudas toyaang i Simon Iskariot.

Yohanes 13:30

Keterima i Yudas i roti itu, sia makala'us kumesot. An tutuw itu wengio.

Yohanes 18:2

Si Yudas, si tou eng kumianat si Yesus, makailek ka'i in tampa itu, ampa'paan si Yesus wo sé murit-Na makakeli-keli mali'us am bitu.

Kisah Para Rasul 1:16

“Poo-poow! Sapa sé aipatic ang Kitap Le'nas in andumoro' i Yudas, musti mamuali. Indior, si Roh Le'nas maké si Daud eng kumua in andumoro' i Yudas, si makawali mai sé tou en tumangka' si Yesus.

Kisah Para Rasul 1:18

Si Yudas ituo en tumerima in doit laasa eng kumianat si Yesus wo en doit itu pinakéna in tumeles tana'. An tana' ituo sia icarepa wo en tina'ina imakése' akar pakasa sé an untep in tina'ina icakesot.