Matius 26:13 - En Taar Weru a nunuwu' é Tontemboan

¹³ En ulitna icua-Ku mangé ai camu, am bisake' sé tou makua in Abar Kaaruien a sé tou ang kayo'baan, tantu ipakua éra oka ka'i sapa e niéma' i wéwéné anio' a Yaku, en tuma'néi sia.”

Matius 26:13 ပူးပေါင်းရင်းမြစ်များ

Matius 24:14

Wo en Abar Kaaruien andumoro' ing Kakolanoan in Sorga ipakua-kua oka am bisa-wisa asi kayo'baan anio', e mamuali kasairian a sé pakasa é tou. Kumawus in itu maayo en endo kaka'puan ing kayo'baan.”

Matius 28:19

Ampa'paano in itu, mangém am pakasa im bangsa, wo émaano mangé séra mamuali murit-Ku. Baptiseno mangé séra ang karapi ngaran i Amang, i Toyaang wo i Roh Le'nas.

Markus 13:10

Ampa'paan en Abar Kaaruien itu musti icua owo a sé pakasa im bangsa.

Markus 14:9

En ulitna icua-Ku mangé ai camu, am bisake' sé tou makua in Abar Kaaruien-Na a sé tou ang kayo'baan, tantu ipakua éra sapa e niéma' i wéwéné anio' a Yaku, en tuma'néi sia.”

Markus 16:15

Wo icua-Na ai séra, “Mangém kamu am pakasa ing kayo'baan, wo icuao mangé en Abar Kaaruien-Na a sé im pakasa in tou.

Lukas 24:47

Wo aipatic ka'i sapaoka en abar anio' musti sisil angé maké ing kawasa i ngaran-Na a sé pakasa im bangsa tumo'tol an Yerusalem akar am pakasa ing kayo'baan: Si séike' e mape'dis ang kamesé-meséaan ampungan oka i Amang Kasuruan.

Kisah Para Rasul 10:4

Téintengen i Kornelius si malaékat itu wo ang karapi in indé' icuana, “Awéan sapa réén é Tuang?” Isowat i malaékat itu ai sia, “Pakasa en sombayangmu liningao i Amang Kasuruan wo sé aitawangmu a sé tou lengéi sinéré-Nao wo ko tina'néi-Nao.

Roma 10:18

Taan wuéienku: Ra'ipé' réén sumangkum ako sé tou Israel luminga in Abar Kaaruien andumoro' i Yesus Kristus? Tantu séra sumangkumo luminga. Ampa'paan ang Kitap Le'nas aipatic in tana'i, “En suara é tou mengakua in abar, imakaro am pakasa ing kayo'baan, wo e nunuwu' éra imakaro a sé im pakasa é tou.”

Roma 15:19

wo en tuu-tuus kakaya'kaan sé niéma'ku maké ing kawasa i Roh Le'nas. En Abar Kaaruien andumoro' i Yesus Kristus itu aicuakuo waya a sé tou, tumo'tolai an Yerusalem akar an Ilirikum.

2 Korintus 10:18

Ampa'paan ra'ica si tou mengatirayo in owakna in esa si wutul am beren i Casuruan, taan si tou ipatirayo-tirayo i Casuruan, siao si wutul am beren-Na.

Kolose 1:23

Ampa'paano in itu kamu musti le'tek maéman wo kasake' keter makatimboi asi Abar Kaaruien andumoro' si Yesus Kristus. Wo tioo itela'u miow em paarapen si an untep in Abar Kaaruien itu, si aiwééo ai camu wo liningao miow. Wo en Abar Kaaruien itu aicuao a sé pakasa é tou ang kayo'baan. Wo yaku Paulus mamuali tou mengaselewir eng kumua in Abar Kaaruien andumoro' i Yesus Kristus itu.

Kolose 1:6

Wo en Abar Kaaruien itu aicaseraro am bisa-wisa ang kayo'baan wo em buéna kinaséréano ang katouan é tou. Taniituo ka'i wo icamu, tumo'tolai kamu luminga in Abar itu wo wutu-wutul makailek in upus aitambér-Na, kamu kinamango i Amang Kasuruan.

1 Timotius 2:6

Sia isumarakano in owak-Na en tumu'bus im pakasa ing kamesé-meséaan é tou. Siituo eng kasairian i Amang Kasuruan si mamuali tuus asi oras si aitantu-Nao.

Ibrani 6:10

Ampa'paan si Amang Kasuruan itu ra'ica marapit, ra'ica ilupa-Na sapa sé tinawoio miow torona Sia. Wo ra'ica ilupa-Na ka'i eng kaupusan ipaturu' miow ai Sia an tutuw iow matawang sé tou le'nas indior akar intarépé'.

Wahyu 14:6

Wo kaséréanku si esa malaékat walina ituméléw rumangka-rangka' an langit. Sia itu maali-ali in Abar Kaaruien si akar ing kauré-uré torona icua a sé tou sé maénto' ang kayo'baan. Séra ituo sé pakasa im bangsa, in suku, i nunuwu' wo i negara.