Matius 26:10 - En Taar Weru a nunuwu' é Tontemboan

¹⁰ Taan kailekan i Yesus em pawero-weroten éra wo icua-Na, “Kéitu réén kamu sumusa si wéwéné anio'? E niéma'na a Yaku loor.

Matius 26:10 ပူးပေါင်းရင်းမြစ်များ

Matius 26:11

Ampa'paan sé tou lengéi tatap ang karapi miow wo séra ro'na tawangen iow. Taan Aku ra'io uré mewali-wali wo icamu.

Matius 26:9

Ampa'paan en solo itu sosor keli em bééna! Aweso taré en solo itu iwangkér, wo en doit itu ro'na iwéé a sé tou lengéi.”

Markus 14:6

Taan icua i Yesus ai séra, “Kéitu réén kamu mae'bow ai sia? Wayao mio' sia. Sia méma'o in loor a Yaku.

Lukas 8:49

An tutuw i Yesus maroma'pé', mai si esa tou si am balé i Yairus owo wo kumua, “Si toyaang i tuang imatéo. Anaé, nomoo ka'i ko menusa-nusa si Guru!”

2 Korintus 9:8

Si Amang Kasuruan makawoo tumambérai ing kamang kumeli-keli ai camu, akar sé paperlun iow am baya-waya imaaweso. Wo in taniitu lébé kawooan iow méma' im pakasa sé loor.

Galatia 1:7

En ulitna ra'ica wana lalan walina e makéré ing kalowiran. Taan kamu tinawéro é tou sé mengalicoko icamu ang karapi in sususuien andumoro' in abar sé mengasélé'kow. Em peangé-angén éra en sumali'si' in Abar Kaaruien andumoro' i Yesus Kristus si pakua ami.

Galatia 5:12

Sé tou mengalicoko icamu ampa'paan in sunat, iwayao mio' séra mokol im penonowan in anu éra in esa.

Galatia 6:17

Tumo'tol intarépé' ra'io toro ka'i awéan esa tou en sumusa yaku, ampa'paan an owakku awéané' eng kala-kalat im péla' tanu tuus sapaoka aku anio' anu i Yesus.

Efesus 2:10

Ampa'paan si Amang Kasuruan in esa si iméma' icita mamuali tou weru an tutuwta maéman a si Kristus Yesus wo meesa wo Sia. Kita niéma'-Na tou weru wosama' émaanta sapa-sapake' sé loor sé aitantu-Nao tumo'tolke' mai indior wosama' émaanta waya sé loor.

Kolose 1:10

Wo in taniitu kamu patus menonou an dior-Na wo maarui in até-Na am baya-waya wo ro'na méé im buéna loor am pakasa im pengaémaan wo makaawes makatuus si Amang Kasuruan.

2 Tesalonika 2:17

Pekiupusen ami a si Amang Kasuruan wo a si Yesus Kristus, Apo'ta e méé mai ing kaketeran wo ing kaincayaan an até miow wosama' kawooan iow méma' im pakasa sé loor wo manuwu' in andumoro' sé loor.

1 Timotius 3:1

Ulito si nunuwu' anio': “Sé tou masalé' mamuali tou mengatilik an jamaat, sia sumisiro in tawoien loor.”

1 Timotius 5:10

wo kailekan ka'i é tou sapaoka sia matawoi in loor tanumai: pengaurusenna in sama' sé toyaangna, pengasungkulenna in sama' sé tou mengaai am baléna, pengaselewiranna in sama' sé tou maéman wo pengatawangenna sé tou ang kasusaan wo mengéma-ngéma' in loor a sé pakasa in tou.

2 Timotius 2:21

Taniitu ka'i wo sé tou maéman. Sa awéan tou mento' maéma' ing kaléwo-léwo'an, sia asalo pengapakén i Casuruan asé tawo-tawoien loor. Émaan i Casuruan en até i tou itu male'nas. Si Casuruan arui maké isia ampa'paan sia ka'i tu'tul mengaéma' pakasa in tawoien loor.

Titus 1:16

Séra ka'i mangaku makatuus si Amang Kasuruan taan sa sérén em paémaan éra, séra meputé wo sé tou makélong Sia. Séra karican oka mai wo ra'ica le'tek ampa'paan masundur im perénta i Amang Kasuruan wo ra'ica makawoo mengaéma' in sapake' mangé sé loor.

Titus 2:14

Aiwéé-Nao en owak-Na mamuali raragés en tumu'bus waya ing kaléwo-léwo'anta wo émaan-Na kita mamuali tou-Na le'nas wo re'dem mengaéma' in loor.

Titus 3:1

Éi Titus, ita'néimu mangé a sé tou maéman am pakasa in jamaat wosama' séra mengalinga wo mengaéma' sapa sé airu'du' é maperénta wo sé makakawasa i negara. Séra musti le'tek maéma' in loor a sé tou walina.

Titus 3:14

Wo sé touta maémano, musti rumaméji maéma' in tawoien loor wosama' ro'na tumawang sé tou walina e makéré ing kaperluan éra mengendo-ngendo. Wo in taniitu eng katouan éra awéan en torona.

Titus 3:8

Pakasa e nunuwu' sé aicuaku anio' wutul wo loor wo awéan torona a sé pakasa in tou. Icasalé'ku icuamu waya en sususuien itu a sé tou maéman a si Amang Kasuruan wosama' séra uli-ulit rumaméji tumawoi loor.

Ibrani 13:21

en tumu'tul im pakasa sé loor si paperlun iow e méma' sapa sé icasalé'-Na. Wo pekiupusenku ka'i wosama' si Amang Kasuruan matawoi an untep in atéta akar kita ro'na méma' sapa sé icasalé'-Na ampa'paano i Yesus Kristus. A si Yesus Kristuske' em pakasa i rarayo wo in sisiri' akar ing kauré-uré. Ulit.

1 Petrus 2:12

Em peri miow musti loor an dior é tou sé ra'ica makatuus si Amang Kasuruan. Mandé ka'i patudun éra kamu tou léwo', sérén éra oka sé pengaémaan iow loor wo in taniitu séra rumayo wo sumiri' oka si Amang Kasuruan, an tutuw maai en endo-Na sa.