Matius 25:8 - En Taar Weru a nunuwu' é Tontemboan

⁸ Taan icua é mangala'un bodok itu a sé mangala'un pandéi, ‘Pekiupusen ami sa woo ro'na wéténganai solo kami mandé wayake' im pira, ampa'paan en sosoloan ami mape'delo.’

Matius 25:8 ပူးပေါင်းရင်းမြစ်များ

Matius 25:1

“Eng Kakolanoan in Sorga meputé wo in andéan anio': awéan sangapulu' mangala'un mindo in sosoloan mangé sumungkul si tuama kumawéng.

Matius 25:7

Kelinga éra in itu, wo séra im baya tumooro wo tu'tulen éra en sosoloan wosama' loor en embungna.

Matius 25:9

Taan aisowatke' é mangala'un pandéi in tana'i, ‘Ra'ica, oréoka en solo ra'ica maawes pakén ami wo pakén iow. Aweso taré kamu mangé tumeles a si tou mawangkér in solo.’

Matius 3:9

Tioo kamu mawasa ro'na icawekar an ukuman ampa'paan kamu taranak i Abraham. Icuaku mangé ai camu, sé watu anio' ro'na émaan i Amang Kasuruan mamuali taranak i Abraham.

Lukas 12:35

“Matéi-téiro en sumaru im baya-waya. Kamu musti tatap mekarai ing karai patawoi wo en sosoloan iow musti mengembu-ngembung,

Lukas 16:24

Wo si tou siya' itu maangko' mangé icuana, ‘Amang Abraham, icaupusai aku. Wenduo keli aku an untep in api anio', anaé ru'du'o si Lazarus tumo'to' in tempok im bua'na ing kamana an dano wo mai rumames in lila'ku.’

Lukas 8:18

Ampa'paano in itu, iwéé mio' sumama-sama' an dékén sapa sé lininga miow. Ampa'paan si séi e masalé' makailek sapa sé aicua-Ku, émaan oka i Amang Kasuruan sia lébé makailek. Taan si séi si ra'ica kiim makailek sapa sé aicua-Ku, sapa sé pawasanna kailekannao émaan oka i Amang Kasuruan ra'io kata'néianna waya.”

Kisah Para Rasul 8:24

Isowat i Simon ai séra, “Tuang-tuang, isombayango mangé aku a si Casuruan wosama' si aicua miow a yaku ra'ica mamuali.”

Ibrani 4:1

Aijanji i Amang Kasuruan sapaoka sé tou maéman muntep oka an tampa pengaenaan e mena' mewali-wali wo Sia. Wo en janji itu awéané' akar intarépé'. Ampa'paan in ituo mareti-retio mangé oréoka awéan esaan ai camu ra'ica muntep asi tampa pengaenaan itu.

Wahyu 3:9

Séréno! Pira-piraan tou asé jamaat i kikiiten é sétang, sé matuul in owak éra tou Yahudi, taan en ulitna ra'ica taniitu, séra itu kotowo. Émaan-Ku oka séra itu mai wo kumundu an dior ing kécéi miow, wo kakailekan oka éra sapaoka kamu icaupus-Ku.