Matius 25:44 - En Taar Weru a nunuwu' é Tontemboan

⁴⁴ Wo isowat éra oka ai Sia in tana'i, ‘Kawisao réén sérén ami si Tuang maarem kuma'pa maré'om kuma'pa tanu sakéi an doong ami kuma'pa ra'ica mekarai kuma'pa sumakit kuma'pa an untep im bui wo ra'ica mai ami sérén?’

Matius 25:44 ပူးပေါင်းရင်းမြစ်များ

Matius 10:41

Si séike' en sumungkul si esa nabi ampa'paan sia nabi, terimanna oka en laasa nabi. Wo si séike' en sumungkul si tou sama' ampa'paan sia itu sama', terimanna oka en laasa tanu tou sama'.

Matius 25:43

An tutuw-Ku ka'i tanu sakéi an doong iow, ra'ica tinowa miow Aku tumuli am balé miow. An tutuw-Ku ra'ica mekarai, ra'ica winéan iow karai Aku. An tutuw-Ku sumakit kuma'pa an untep im bui, ra'ica mai sinéré miow Aku.’

Matius 25:45

Isowat-Na oka ai séra in tana'i, ‘En ulitna icua-Ku mangé ai camu, an tutuw iow ra'ica itumawang esaan asé poo-poow-Ku si ipawawa-wawa', en itu meputé kamu ra'ica itumawang Yaku.

Matius 5:6

Pakakamangen sé tou maarem wo maré'om ing kasalé'an i Amang Kasuruan, ampa'paan séra aruien oka.

Matius 7:22

Asi endo kaka'puan ing kayo'baan, keli oka tou e matowa Yaku, ‘Kasuruan, Kasuruan, ra'ica réén ipakua ami en taar i Amang Kasuruan mapaké i ngaran-Mu, wo mausér sé sétang mapaké i ngaran-Mu, wo maéma' keli kakaya'kaan mapaké ka'i i ngaran-Mu?’

Lukas 10:29

Taan si guru agama é Yahudi itu masalé' mapaturu-turu' sapaoka en owakna em butul, anaé sia mamuéi ka'i a si Yesus, “Si séi réén sé kakéléku itu?”