Matius 25:43 - En Taar Weru a nunuwu' é Tontemboan

⁴³ An tutuw-Ku ka'i tanu sakéi an doong iow, ra'ica tinowa miow Aku tumuli am balé miow. An tutuw-Ku ra'ica mekarai, ra'ica winéan iow karai Aku. An tutuw-Ku sumakit kuma'pa an untep im bui, ra'ica mai sinéré miow Aku.’

Matius 25:43 ပူးပေါင်းရင်းမြစ်များ

Matius 25:36

An tutuw-Ku ra'ica mekarai, winéan iow karai Aku, an tutuw-Ku sumakit, pakatéiran iow Aku. An tutuw-Ku an untep im bui, pengasérén iow Aku.’

Matius 25:42

Ampa'paan an tutuw-Ku i maarem, ra'ica winéan iow kanen Aku. An tutuw-Ku i maré'om, ra'ica winéan iow elepen Aku.

Matius 25:44

Wo isowat éra oka ai Sia in tana'i, ‘Kawisao réén sérén ami si Tuang maarem kuma'pa maré'om kuma'pa tanu sakéi an doong ami kuma'pa ra'ica mekarai kuma'pa sumakit kuma'pa an untep im bui wo ra'ica mai ami sérén?’

Kisah Para Rasul 15:36

An tutuw i Paulus wo si Barnabas uréo toyo' an Antiokhia, icua i Paulus a si Barnabas, “Mayoo, kita maréng sumawel a sé poo-poowta ang kota-kota si sumangkumo kinuananta in taar i Casuruan en suméré ing kaberadaan éra.”

Ibrani 13:2

Tioo marua-rua até en tumerima si séike' en lumosér am balé miow mandé ka'i ra'ipé' katuusan iow. Ampa'paan ang karapi méma' in taniitu, awéan sé piraan tou indior ra'ica kinailekan éra itumerimao sé malaékat am balé éra.

Ibrani 13:3

Ta'néieno mangé sé kakélé miow sé an untep im bui, tanuoka kamu ka'i pakabuin mewali-wali wo iséra. Wo ta'néien ka'i sé kakélé miow paokoien, tanuoka kamu ka'i paokoien mewali-wali wo iséra.