Matius 25:4 - En Taar Weru a nunuwu' é Tontemboan

⁴ Wo sé lima mangala'un pandéi maali-ali in sosoloan wo tumu'tulo ka'i in solo am botel éra.

Matius 25:4 ပူးပေါင်းရင်းမြစ်များ

Matius 10:16

“Wéan rékén en anio'! Yutus-Ku kamu mangé tanuoka sé domba an uner é serigala. Ampa'paan in itu kamu musti mapinte-pinter tanu ula', wo lekep en até tanu mombo.

Matius 25:2

Sé mangala'un itu, lima sé bodok wo lima sé pandéi.

Matius 25:3

Sé lima mangala'un bodok maali-ali in sosoloan taan ra'ica tumu'tul in solo.

Matius 25:5

Taan ampa'paan si tuama kumawéng itu uré-uréanai, sé sangapulu' mangala'un itu makili'o keli akar séra kinakili'ano.

Matius 7:24

“Anaé, si esa wo si esa tou sé iluminga in aicua-Ku anio' wo pengaémaanna, sia ipeputé wo si tou pandéi, si mangun im baléna am bawo im batu.

Yohanes 3:34

Ampa'paan si Yesus ayutus i Amang Kasuruan kumua in Taar-Na, ampa'paan winéan-Nao Roh ang karapi in da'- io icakua.

Roma 8:9

Taan, kamu ra'io menonou mengakiit ing kasalé'an in owak, taan mengakiit ing kasalé'an i Roh i Amang Kasuruan, ampa'paan e Roh i Amang Kasuruan uli-ulit mento' an owak iow. Sa e Roh i Kristus ra'ica menonou an owak i esa tou, sia ra'ica anu i Kristus.

2 Korintus 1:22

wo isumégél icita tanu tuus anu-Na. Wo Siao e méé mai si Roh Le'nas an atéta tanu titimboian sapaoka iwéé-Na oka pakasa sé aijanji-Na ai cita.

1 Yohanes 2:20

Taan tinerimao miow e Roh Le'nas asi Yesus Kristus owo, ampa'paan in itu kamu im baya makaileko in sususuien wutul.

1 Yohanes 2:27

Wo andumoro' icamu in esa, si Casuruan imééo mai i Roh Le'nas eng kumawasa icamu wo akar intarépé' e Roh Le'nas itu awéané' ai camu. Anaé kamu ra'io sangali susuian é tou walina, ampa'paan kamu penusu-nusuian i Roh Le'nas andumoro' im pakasa in itu. Wo sapa en aisusui-Na itu wutul wo ra'ica towo. Tinerimao miow en sususuien itu ai Sia, ampa'paan in itu kamu musti menonou angé meesa wo si Kristus.

Yudas 1:19

Séra ituo sé mengaéma' sé tou maéman mengkaréndéran akar i mentanéan. An owak éra ra'ica wana Roh Le'nas wo séra menonou makiitke' ing kasalé'an ing kayo'baan.