Matius 25:36 - En Taar Weru a nunuwu' é Tontemboan

³⁶ An tutuw-Ku ra'ica mekarai, winéan iow karai Aku, an tutuw-Ku sumakit, pakatéiran iow Aku. An tutuw-Ku an untep im bui, pengasérén iow Aku.’

Matius 25:36 ပူးပေါင်းရင်းမြစ်များ

Matius 25:37

Wo sé tou nianggap wutul i Amang Kasuruan, kumua oka in tana'i, ‘Tuang, kawisa réén sinéré ami si Tuang maarem wo winéan ami kanen, kuma'pa si Tuang maré'om wo winéan ami elepen?

Matius 25:43

An tutuw-Ku ka'i tanu sakéi an doong iow, ra'ica tinowa miow Aku tumuli am balé miow. An tutuw-Ku ra'ica mekarai, ra'ica winéan iow karai Aku. An tutuw-Ku sumakit kuma'pa an untep im bui, ra'ica mai sinéré miow Aku.’

Lukas 3:11

Isowatna, “Si séi sé makaanu rua karai, si karai esa musti iwééna a si tou ra'ica wana karai wo si séi si makaanu ing kakanen, musti mengawéténg ing kakanen a sé tou sé ra'ica wana kakanen.”

Kisah Para Rasul 20:35

Pakasa sé niéma'kuo itu, mééo esa tuus ai camu sapaoka ang karapi in tumawoi le'tek tanu siitu, ro'na sémbonganta sé tou lembi. Wo musti ta'néienta si aicua i Apo' Yesus in tana'i, ‘Lébé arui mengawéé wotaré mengaterima.’ ”

Ibrani 10:34

Mémang kamu kumiito mendam ing kawenduan é tou sé pakabuin. Wo an tutuw pakasa ing kasiyaan iow niandét, kamu maaru-aruike' ampa'paan kailekan iow sapaoka kamu in esa makaanu ing kasiyaan si lumoorai wo tumang akar ing kauré-uré.

Ibrani 13:3

Ta'néieno mangé sé kakélé miow sé an untep im bui, tanuoka kamu ka'i pakabuin mewali-wali wo iséra. Wo ta'néien ka'i sé kakélé miow paokoien, tanuoka kamu ka'i paokoien mewali-wali wo iséra.

Yakobus 1:27

Taan imaapo' im butul wo lekep an dior i Casuruan Amangta, tanu si anio': Tumawang sé toyaang ula wo sé wéwéné balu ang kasusaan éra wo matéir in owak wosama' ra'ica kumiit ing kasalé'an ing kayo'baan anio'.