Matius 25:30 - En Taar Weru a nunuwu' é Tontemboan

³⁰ Wo si ata ra'ica iméma' in sapa-sapa, iwangkilo mangé sia an tampa riréimbeng. A mangé mbitu oka sia maamé' wo mengare-ngare'ket im baang.’ ”

Matius 25:30 ပူးပေါင်းရင်းမြစ်များ

Matius 13:42

Pakasa iténdél oka an api patunuan si ra'ica mape'de-pe'del. Am bitu séra mengamé-ngamé' oka wo mengare-ngare'ket im baang.

Matius 13:50

Wo iténdél éra sé tou léwo' an api patunuan si ra'ica mape'de-pe'del. Am bitu séra mengamé-ngamé' oka wo mengare-ngare'ket im baang.

Matius 22:13

Wo icua i colano a sé atana, ‘Wa'keseno eng kécéi wo eng kama i tou itu wo iwangkilo mangé sia an tampa riréimbeng. A mangé mbitu kalingaan oka en amé' wo eng kare'ket im baang.’

Matius 24:51

wo si ata itu ukuman oka i tuangna in ukumen patén wo iténdél an tampa tinéndélan sé tou punek. Am bitu oka séra maamé' akar i mengare-ngare'ket em baang.”

Matius 3:10

Em pati tinu'tulo an a'mut in tuura en tumongkéi in tuura sé ra'ica mengawéé wua'na loor wo tiya' an api.

Matius 5:13

“Icamuo en asin ing kayo'baan. Sa en asin itu imata'pé'o, tumambisa en itu asinen sumawel? Ra'io wana ka'i torona aluar itiya' wo léakan é tou.

Matius 8:12

Taan kelian tou Yahudi sé musti woo mamualio tou i Amang Kasuruan tiya' oka ang kariréimbengan si riréimbeng keli. A mangé mbitu séra maamé' oka akar mengare-ngare'ket im baang.”

Lukas 13:28

An tutuw iow suméré si Abraham, Ishak wo si Yakub wo pakasa sé nabi masalé-salé' ang Kakolanoan i Amang Kasuruan, kamu maamé' oka akar mengare-ngare'ket im baang ampa'paan kamu tiya' oka ang kesot.

Yohanes 15:6

Si séike' mangé si ra'ica menonou meesa wo Yaku, sia tanuoka im pangana si ra'ica mawua', itiya' oka wo mapera, wo li'usen oka é tou wo iténdél an untep in api wo tunun.

Titus 3:14

Wo sé touta maémano, musti rumaméji maéma' in tawoien loor wosama' ro'na tumawang sé tou walina e makéré ing kaperluan éra mengendo-ngendo. Wo in taniitu eng katouan éra awéan en torona.

2 Petrus 2:17

Sé guru ra'ica wutul itu, tanuoka im palemboian in dano imaperao kuma'pa tanuoka ing kambung riréimbeng iwalike' in deges repet. Séra itu aitu'tulo i Amang Kasuruan tampa ang kariréimbengan ulit.

Yudas 1:13

Séra itu tanuoka in sempa' wangker si tumela'u in lewa' wo i noo an ta'sic. Séra itu ka'i tanuoka sé sumesendot sé ra'ica metu'tul si asalo mengéra-ngéra en tampana. En tampa é tou itu tinu'tulo i Amang Kasuruan asi tampa uli-ulit riréimbeng akar ing kauré-uré.

Wahyu 21:8

Taan sé tou toloindé' mengasairi andumoro' i Yesus, sé tou ra'ica maéman, sé tou mengaéma' ing kaléwo-léwo'an sé karican oka mai, sé tou mengapaté tou, sé tou mengasundal, sé tou mengasihir, sé tou mengaapo' a sé opo-opo' wo pakasa sé tou kotowo, séra im baya yuntep oka an untep in ta'sic api walélang si mengembu-ngembung. Si anioo em papaté karua.”