Matius 25:21 - En Taar Weru a nunuwu' é Tontemboan

²¹ Wo icua i tuangna, ‘Wutu-wutul loor e niéma'mu itu. Ico ata loor wo le'tek a yaku. Ampa'paan ko ro'na tinokéan andumoro' sé teké', tokéanku oka ka'i ko andumoro' sé tawoien wangker. Muntepo mai ko wo mayo maaru-arui ang karapiku!’

Matius 25:21 ပူးပေါင်းရင်းမြစ်များ

Matius 24:45

“Si séi si ata le'tek wo pandéi, tantu sia angkaien i tuangna mamuali kikiiten é kakéléna ata am balé i tuang itu. Wo sia tokéan i tuangna e méé kanen a sé kakéléna ata an oraso ing kuman.

Matius 24:47

En ulitna icua-Ku mangé ai camu, si ata itu angkaien oka i tuangna wo mamuali mandor am pakasa ing kasiyaanna.

Matius 25:23

Wo icua i tuangna, ‘Loor ulit e niéma'mu itu. Ico ata loor wo le'tek a yaku. Ampa'paan ko ro'na tinokéan andumoro' in tawoien teké', tokéanku oka ka'i ko andumoro' sé tawoien wangker. Muntepo mai ko wo mayo maaru-arui ang karapiku!’

Matius 25:46

Sé tou léwo' anio' ukumen oka an tampa in okoien akar ing kauré-uré, taan sé tou nianggap wutul i Amang Kasuruan makéré oka ing katouan akar ing kauré-uré.’ ”

Lukas 12:44

En ulitna icua-Ku mangé ai camu, si ata itu angkaien oka i tuangna e mamuali mandor am pakasa ing kasiyaanna.

Lukas 16:10

Si tou ro'na tokéan in tawoien teké', sia ka'i ro'na tokéan in tawoien wangker. Taan si tou ra'ica toro tokéan in tawoien teké', sia ka'i ra'ica toro tokéan in tawoien wangker.

Yohanes 12:26

Si séike' en sumelewir Yaku musti kumiit Yaku. Wo am bisake' en angéan-Ku, am bitu ka'i awéan si maselewir Yaku. Si séi e maselewir Yaku sia siriin oka i Amang-Ku.”

Yohanes 14:3

Sa Aku mangém am bitu wo en tampa miow tinu'tul-Kuo, Yaku maai oka sumawel wo makawali icamu maangé an tampa-Ku, wosama' am bisa Aku am bitu ka'i kamu.

Yohanes 17:24

O Amang, icasalé'-Ku wosama' sé tou sé aisarakan i Amang a Yaku awéan mewali-wali wo Yaku asi tampa angéan-Ku. Icasalé'-Ku taniitu wosama' ro'na kaséréan éra e rarayo wo en sisiri'-Ku, siituo e rarayo wo en sisiri' si aiwééo i Amang a Yaku ampa'paan si Amang mengaupuso Yaku an tutuw ra'ipé' niéma' eng kayo'baan anio'.

Roma 2:29

Taan sé wutu-wutul patuulen tou Yahudi, sé tou imamualio Yahudi an untep in aténa. Wo sé wutu-wutul patuulen sunat, ra'ica ampa'paan sinunato kumiit in atoran sé aipatic an ukum Torat, taan ampa'paan en até éra rinobao i Roh i Amang Kasuruan. Sé tou tanu siitu makéré oka i rarayo asi Amang Kasuruan ra'ica a sé tou owo.

1 Korintus 4:5

Ampa'paan in tuo tioo kamu mario-rior en tumantu si esa tou meséa' kuma'pa ra'ica, sa ra'ipé' an témpona. Entoon akar si Apo' Yesus maai sumawel. Sia oka e muka' im pakasa sé pakaenep é tou ang kariréimbengan wo Sia oka ka'i en tumuru' pakasa em pawasa-wasan é tou an até. Asi témpo itu oka ka'i si Amang Kasuruan méé mai i rarayo a sé tou asi esa wo si esa sé patus tumerima i rarayo.

2 Korintus 10:18

Ampa'paan ra'ica si tou mengatirayo in owakna in esa si wutul am beren i Casuruan, taan si tou ipatirayo-tirayo i Casuruan, siao si wutul am beren-Na.

2 Korintus 5:9

Ampa'paano in itu raméjin ami mauli-ulit marui in até-Na, an tutuw ami maento' an untep i owak ang kayo'baan anio' kuma'pa an tutuw ami maento' ang karapi-Na an sorga.

Filipi 1:23

Ra'io kasisiranku asé rua sisiran itu. Yaku masalé' keli tumela'u ing kayo'baan anio' wo mangé mento' mewali-wali wo si Kristus, ampa'paan en itu si lumébé loorai.

1 Timotius 3:13

Sa pengaselewiran éra in sumama-sama' sé jamaat, tantu sé mengaselewir itu ka'i pasiri-siriin é jamaat, wo in taniitu ra'ica wana eng kaindé'an éra manuwu' a sé jamaat andumoro' im paémanen éra a si Yesus Kristus.

2 Timotius 2:12

Sa kita kasake' le'tek maéman ai Sia, kita ka'i merénta oka sé tou mewali-wali wo Sia. Sa kita kumua ra'ica makatuus Sia, Icua-Na oka ka'i Sia ra'ica makatuus icita.

Ibrani 12:2

Am papekowaan anio', mayoo kiitenta ang karapi im beren si asalo makatéinteng angé a si Yesus, ampa'paan Siao si maakin im paémanenta a si Amang Kasuruan wo si makawali im paémanenta makaleke-lekep. Sia talesen pengaokoien akar maté ang kayu salip, ra'ica pandungen-Na em pengaroros ampa'paan kailekan-Na sapaoka makasangkum ako im pakasa in itu awéan kaaruian si aitu'tulo ai Sia. Intarépé' Sia makalukut ang kakan im palukutan pasiri-siriin i Amang Kasuruan.

Wahyu 2:10

Tioo kamu maindé-indé' ing kawenduan si musti pendamen iow. Awéan ai camu si téndél oka i kikiiten é sétang an untep im bui em pangepé'an. Wo pendamen iow oka eng kasusaan sangapulu' ngando eng kauréna. Taan kamu musti le'tek maéman a Yaku akar i maté, wo kamu wéan-Ku oka mahkota ing katouan.

Wahyu 21:7

Si séi e muntung, kéréanna oka waya en anio'. Wo Yaku mamuali oka Amang Kasuruanna, wo sia mamuali oka toyaang-Ku.

Wahyu 3:21

Si tou muntung ilukut-Ku oka sia ang karapi-Ku asi palukutan pasiri-siriin-Ku, meputé wo Yaku si muntungo wo lumukut mewali-wali wo si Amang-Ku asi palukutan pasiri-siriin-Na.

Wahyu 7:17

Ampa'paan si Toyaang i Domba si an uner im palukutan pasiri-siriin itu mamuali oka gembala éra, wo akinen-Na séra mangé asi palemboian in dano si mengawéé ing katouan. Wo pisin oka i Amang Kasuruan pakasa en dano im beren éra.”