Matius 25:10 - En Taar Weru a nunuwu' é Tontemboan

¹⁰ Wo sé mangala'un bodok itu mangé en tumeles solo. Taan ang karoro'an éra imangé tumeles solo, si tuama kumawéng icateka'o mai. Wo sé mangala'un pandéi tumu'tulo wo muntep mewali-wali wo si tuama kumawéng itu am pésta kawéngan, wo em papalen kusiin.

Matius 25:10 ပူးပေါင်းရင်းမြစ်များ

Matius 24:42

Ampa'paan in iitu matéi-téiro mangé, ampa'paan ra'ica kailekan iow asi endo kawisa si Casuruan maai.

Matius 24:43

Taan musti kailekan iow en anio'! Sa kailekano i makawalé kawisa si rombit mai rumombit am baléna, tantu sia matéi-téir wosama' si rombit ra'ica muntep am baléna.

Matius 24:44

Taniitu ka'i wo icamu, matéi-téir angé ampa'paan si Toyaang i Tou maai oka sumawel asi oras si ra'ica pinaarap iow.”

Matius 25:6

Ang katoorao im bengi, kalingaan éra awéan tou maangko' in tana'i, ‘Si tuama kumawéng maayo! Mayo sungkulenta sia!’.

Matius 7:21

Ra'ica pakasa sé tou sé matowa Yaku, ‘Kasuruan, Kasuruan’, muntep oka ang Kakolanoan in Sorga, taan wayake' in tou sé mengaéma' ing kasalé'an i Amang-Ku an sorga.

Lukas 12:35

“Matéi-téiro en sumaru im baya-waya. Kamu musti tatap mekarai ing karai patawoi wo en sosoloan iow musti mengembu-ngembung,

Lukas 13:25

Sa si makawalé itumulungo wo imaleno im papalen, kamu tumulung oka ang kesot wo menéngko-néngkor im papalen wo icua oka miow, ‘Amang, wukaanai em papalen torona ami!’ Wo isowatna ai camu, ‘Ra'ica katuusanku kamu wo ra'ica kailekanku kamu am bisa owo mai.’

Kolose 1:12

wo makua ka'i mangé i makapulu'sama' a si Amang, si Amang Kasuruanta ang karapi in arui, ampa'paan Siao e méma' icamu patus makéré im bagéan ang kakolanoan in sendot-Na si aitu'tul-Nao a sé tou le'nas.

2 Timotius 4:8

Yaku, aitu'tulo i Casuruan mahkota ampa'paan aku mengaéma' im butul an dior-Na. E mahkota itu iwéé-Na oka a yaku asi endo Sia mai makim pakasa in tou. E mahkota itu ra'ica yakuke' e ro'na makéré, taan teriman oka ka'i é pakasa in tou sé mengento-ento' Sia maai sumawel ang kayo'baan. Si Casuruanta anio' ulit Akim si ra'ica marapit.

1 Petrus 1:13

Keliano e niéma' i Amang Kasuruan ai camu, ampa'paan in ituo tu'tuleno mio' em bewerot iow e méma' andumoro' sé loor wo tumang in owak ra'ica méma' andumoro' in léwo' wo ituliro mio' waya em paarapen iow asi kamang si tambér oka mai i Amang Kasuruan ai camu an tutuw i Yesus Kristus maai sumawel.

Wahyu 1:7

Sérénno, Sia maai pakali'ciren ing kambung-kambung. Wo pakasa é tou suméré oka Sia, icauntep sé tou imengkow Sia. Wo Sia paamé'an oka waya é bangsa asi cayo'baan anio'. Tanu siituo e mamuali sa. Ulit.

Wahyu 19:7

Mayo kita maaru-arui wo masalé-salé', wo rumayo wo sumiri' Sia! Ampa'paan eng kawéngan i Toyaang i Domba an endonao, wo si pengantén wéwéné ka'i tu'tulo.

Wahyu 22:20

Sia en icumua a yaku andumoro' im pakasa in anio', icua-Na, “Én, Yaku makala'us oka maai!” Ulit, mayoo, é Apo' Yesus!