Matius 24:7 - En Taar Weru a nunuwu' é Tontemboan

⁷ Ampa'paan maai oka en orasna si esa bangsa mensunduran oka wo sé bangsa walina, si esa kakolanoan mensunduran wo sé kakolanoan walina. Wo awéan oka ka'i kaareman wo ka'i tana' mangéro' am bisa-wisa.

Matius 24:7 ပူးပေါင်းရင်းမြစ်များ

Lukas 21:11

Wo awéan oka ka'i eng kamamualian en tana' mangéro' repet, am bisa-wisa awéan oka kaareman wo am bisa-wisa ka'i awéan sakit mengalawé. Wo mamuali oka ka'i an langit andumoro' sé kala'meren wo kalinteren oka mai.

Kisah Para Rasul 11:28

Esaan ai séra si makangaran Agabus pinaké i Roh Le'nas. Sia tumulung wo kumua, “Mai oka en témpona am pakasa ing kayo'baan tenan oka ing kaareman wangko'.” Wo eng kamamualian itu mamuali ka'i an jaman i Klaudius.

Kisah Para Rasul 2:19

Émaan-Ku oka ka'i eng kakaya'kaan-kakaya'kaan a mangé en dangka' an langit, wo en tuu-tuus sé ra'io cakua an darem ing kayo'baan: awéan oka enda', api wo pulu-pulut in tembur.

Ibrani 12:27

Si nunuwu' “makasapé'” eng kaangéanna pakasa sé niéma'-Na asi cayo'baan anio' ipangéro' oka wo materi, wosama' sapa sé ra'ica toro ipaéro' siituo sé matela'u.

Wahyu 6:12

Kaséréanku, an tutuw i Toyaang i Domba muka' in ségél kaenem, mangéroo mai eng kayo'baan repet keli. Si yéndo imawuring tanu ing karai wuring si kanaramen pengapakén é mala'lu wo si serap maréindang tanu in enda'.

Wahyu 6:5

An tutuw i Toyaang i Domba muka' in ségél katelu, kalingaanku si mahluk katelu kumua, “Mayoo!” Wo kaséréanku esa kawayo wuring. Si tou makasaké asi cawayo itu eng kamana makatimboi in esa timbangan.

Wahyu 6:6

Wo palinganku tanu awéan suara an uner é epat mahluk itu makua in tana'i, “Sanga liter sléi em bééna esa dinar, wo telu liter gandum em bééna esa dinar. Taan tioo peléwoon en solo wo en anggor itu.”

Wahyu 6:8

Wo kaséréanku esa kawayo kulo tina'. Wo si tou makasaké asi cawayo itu, e ngaranna ‘Papaté’, wo pakiiten ing kakolanoan im papaté. Séra in dua winéan kawasa e maté sé sangapeepat tou ang kayo'baan anio' ang karapi in sa'bel, ang karapi ing kaareman, ang karapi in sakit malawé, wo ang karapi é binatang léwo' sé ang kayo'baan.