Matius 24:45 - En Taar Weru a nunuwu' é Tontemboan

⁴⁵ “Si séi si ata le'tek wo pandéi, tantu sia angkaien i tuangna mamuali kikiiten é kakéléna ata am balé i tuang itu. Wo sia tokéan i tuangna e méé kanen a sé kakéléna ata an oraso ing kuman.

Matius 24:45 ပူးပေါင်းရင်းမြစ်များ

Matius 10:16

“Wéan rékén en anio'! Yutus-Ku kamu mangé tanuoka sé domba an uner é serigala. Ampa'paan in itu kamu musti mapinte-pinter tanu ula', wo lekep en até tanu mombo.

Matius 13:52

Wo icua i Yesus ai séra, “Ampa'paan in itu, susur é makailek wutul in Torat sé tumerimao in sususuien andumoro' ing Kakolanoan in Sorga itu, séra ayandé tanu si makawalé cumesot ing kasiyaan weru wo si uré asi tampa pengaémaanna ing kasiyaan.”

Matius 24:46

Pakakamangen si ata itu sa kaumaan i tuangna ang karoro'an maéma' in tawoienna.

Matius 25:2

Sé mangala'un itu, lima sé bodok wo lima sé pandéi.

Matius 25:21

Wo icua i tuangna, ‘Wutu-wutul loor e niéma'mu itu. Ico ata loor wo le'tek a yaku. Ampa'paan ko ro'na tinokéan andumoro' sé teké', tokéanku oka ka'i ko andumoro' sé tawoien wangker. Muntepo mai ko wo mayo maaru-arui ang karapiku!’

Matius 25:23

Wo icua i tuangna, ‘Loor ulit e niéma'mu itu. Ico ata loor wo le'tek a yaku. Ampa'paan ko ro'na tinokéan andumoro' in tawoien teké', tokéanku oka ka'i ko andumoro' sé tawoien wangker. Muntepo mai ko wo mayo maaru-arui ang karapiku!’

Matius 7:24

“Anaé, si esa wo si esa tou sé iluminga in aicua-Ku anio' wo pengaémaanna, sia ipeputé wo si tou pandéi, si mangun im baléna am bawo im batu.

Lukas 19:17

Wo icua i tuang itu a si ata itu, ‘Wutu-wutul loor e niéma'mu itu. Ico ata loor wo le'tek. Ampa'paan ko ro'na tinokéan in tawoien teké', anaé wéanku ko kawasa e merénta sangapulu' kota.’

Kisah Para Rasul 20:28

Ampa'paan in ituo, musti téiran iow sumama-sama' en owak iow in esa wo sé jamaat si aiwéé i Roh Le'nas en téiran iow. Téiran iow sé jamaat i Amang Kasuruan tanu si gembala matéir sé domba-Na. Sé jamaat itu mamuali anu i Amang Kasuruan ampa'paan linowir-Na séra in enda'-Na in esa.

1 Timotius 1:12

Yaku kumua i makapulu'sama' a si Kristus Yesus Apo'ta, ampa'paan Siao si méé mai ing kaketeran a yaku. Anggapen-Na aku tou le'tek ai Sia, akar tinokéan-Na mai aku mamuali maselewir ai Sia.

2 Timotius 2:2

Liningamuo en sususuien si aisusuikuo an dior é tou keli. Musti isusuimu en itu a sé tou walina sé ro'na percayanmu wo sé pandéi masusui. Wo in taniitu séra ro'na sumusui sé tou walina.

Ibrani 3:5

Si Musa tanu tou si maselewir, sia le'tek maéma' in tawoienna tanu kikiiten é tou Israel. Em pakaselewir i Musa itu mamuali tuus sapa sé icua oka i Amang Kasuruan ai cita sa.

Wahyu 2:13

Kailekan-Ku em paento'an iow, asi tampa pakakawasan i kikiiten é sétang. Taan kamu uli-ulit le'tek maéman a Yaku wo ra'ica sangkalen iow em paémanen iow a Yaku, mandé ka'i sinéré miow si Antipas sairi le'tek-Ku pinaté an dior iow asi tampa pakakawa- san i kikiiten é sétang.