Matius 24:39 - En Taar Weru a nunuwu' é Tontemboan

³⁹ Wo ra'io kailekan é tou itu en sonop wangko' maayo mai lumesem séra im baya. Taniituo ka'i e mamuali a sé tou ra'ica matéi-téir an tutuw i Toyaang i Tou tumarépé'anke' maai sumawel.

Matius 24:39 ပူးပေါင်းရင်းမြစ်များ

Matius 16:27

Ampa'paan si Toyaang i Tou maai oka mewali-wali wo sé malaékat-Na ang kawasa wangko' i Amang-Na. An tutuw itu suliin-Na oka sé tou kiit im pinengaéma' éra.

Matius 24:3

Kumawus in itu, si Yesus mangé an Tolaina in Zaitun wo ang karoro'an-Na i makalukut am bitu wo mai sé murit-Na mepaar ang karapi-Na, sérake' in esa. Icua éra, “Guru, icua mai ai cami, kawisa réén en aicua i Guru itu mamuali? Wo sapa réén en tuusna sa si Guru maayo sumawel wo sapa réén en tuusna sa an orasnao in endo kaka'puan ing kayo'baan?”

Matius 24:30

An tutuw itu, an langit kaséréan oka awéan tuus i Toyaang i Tou, wo pakasa sé bangsa ang kayo'baan maamé' oka. Séra suméré oka si Toyaang i Tou itu mai an dangka' ing kambung-kambung ang karapi waya ing kawasa wo ing kawangko'-Na.

Matius 24:37

Ampa'paan tambisa e mamuali an jaman i Nuh, taniitu ka'i e mamuali oka a si Toyaang i Tou an tutuw-Na maai sumawel.

Matius 24:40

Asi témpo itu sa awéan rua tou ang karoro'an i matawoi an uma, si esa iwali oka wo si esa itela'u.

Lukas 19:44

Wo ko é kota Yerusalem pakatongka-tongkaren oka wo sé tou ang kotamu pakapaté-patén oka. Wo ra'io iwaya éra esa watu e meliunsunan am bawo im batu walina. En itu si mamuali oka, ampa'paan ra'ica kailekanmu sapaoka intarépé' si Amang Kasuruan imayo lumowir ico.”

Yohanes 3:20

Si séike' mangé sé mengéma-ngéma' ing kaléwo-kaléwo'an, sia masuut in sendot wo ra'ica kiim mai sumusut an sendot itu, wosama' sé pengéma-ngémaanna léwo' itu ra'ica kaséréan.

Kisah Para Rasul 13:41

‘Wéanio' rékén sumama-sama', éi camu sé menéro-néro' an tutuw in luminga in Taar-Ku! Sérén oka miow eng kamamualian sé ra'io icakua sé émaan-Ku oka an jaman iow, akar kamu mangaya-ngaya'ka' wo maté. Kamu maté oka ampa'paan kamu ra'ica mercaya, mandé awéan tou mai sumisil waya in itu ai camu.’ ”

Roma 1:28

Wo paweroten éra ka'i, ra'io sangali makatuus si Amang Kasuruan, ampa'paan in ituo iwaya i Amang Kasuruan em pakawerot éra icasélé'kow, akar séra mengaéma' sé ra'ica patus émaan éra.

2 Petrus 3:5

Wo mémang ra'ica kiim éra makailek sapaoka si Amang Kasuruan asaloke' numuwu', en langit makala'us mamuali. Wo Sia ka'i asaloke' numuwu', eng katanaan makala'us mamuali asi rano owo. En dano itu pinaké-Na e méma' eng katanaan.