Matius 24:31 - En Taar Weru a nunuwu' é Tontemboan

³¹ Wo iru'du'-Na oka sé malaékat-Na kumesot sumengo in trompét taténgé keli, wo ipapali'us-Na ai séra pakasa sé tou sé sinisir-Nao am bisa-wisake' asi kayo'baan anio' tumo'tol asi tempok in langit akar asi tempok in langit.

Matius 24:31 ပူးပေါင်းရင်းမြစ်များ

Matius 13:41

Iru'du' oka i Toyaang i Tou sé malaékat-Na wo li'usen éra oka ang Kakolanoan-Na pakasa sé imangémai sé tou mengaéma' ing kamesé-meséaan wo pakasa en tou sé mengaéma' ing kaléwo'an.

Matius 24:22

Wo sa sé endo kawenduan itu ra'ica koleken i Amang Kasuruan, ra'ica wana mandé esake' tou e malowir. Taan ampa'paano ing kaupusan-Na a sé tou sé sinisir-Nao, akar sé endo kawenduan itu koleken-Na oka.

Matius 24:24

Ampa'paan sé kristus ra'ica wutul wo sé nabi ra'ica wutul mapaturu' oka. Émaan éra oka en tuu-tuus wo kakaya'kaan sé ra'io icakua en sumélé'kow sé tou, sa woo ro'na ka'i, isélé'kow éra sé tou sinisiro i Amang Kasuruan.

Matius 24:32

Mindoo mio' sususuien asi andéan tuura in ara. Sa sé pangana rintek mamata'o wo tumo'tolo maséé, kailekano miow sa matawio en oras ing kasendangen.

Matius 25:31

“Sa si Toyaang i Tou maai ang karapi i rarayo wo in sisiri'-Na mewali-wali wo sé malaékat-Na, Sia lumukut oka am palukutan pasiri-siriin.

Matius 28:18

Susuten i Yesus séra wo icua-Na “Tinerima-Kuo waya eng kawasa an sorga wo ang kayo'baan.

Markus 13:27

Asi témpo ituke', iru'du'-Na sé malaékat-Na en lumi'us pakasa sé tou sinisir-Nao am pakasa in tampa asi cayo'baan anio', tumo'tol an tempok ing kayo'baan akar an tempok in langit.”

Lukas 24:47

Wo aipatic ka'i sapaoka en abar anio' musti sisil angé maké ing kawasa i ngaran-Na a sé pakasa im bangsa tumo'tol an Yerusalem akar am pakasa ing kayo'baan: Si séike' e mape'dis ang kamesé-meséaan ampungan oka i Amang Kasuruan.

Yohanes 11:52

wo ra'ica asaloke' sé tou Yahudi, taan ka'i en lumi'us wo meesa sé toyaang i Amang Kasuruan sé imeseraro am pakasa ing kayo'baan.

Roma 10:18

Taan wuéienku: Ra'ipé' réén sumangkum ako sé tou Israel luminga in Abar Kaaruien andumoro' i Yesus Kristus? Tantu séra sumangkumo luminga. Ampa'paan ang Kitap Le'nas aipatic in tana'i, “En suara é tou mengakua in abar, imakaro am pakasa ing kayo'baan, wo e nunuwu' éra imakaro a sé im pakasa é tou.”

1 Korintus 15:52

En itu asalo mi'pit im beren tumarépé'anke'mai mamualio, an tutuw in téngén en terompét sosomoi. An tutuw i luminga in terompét itu, sé tou imatéo touen oka sumawel ang karapi in owak ra'ica ro'na materi, wo kita sé menonoué' roban oka.

Efesus 1:10

Em pawasa-wasan-Na itu tana'i: Sa imayo en témpona, si Kristus mamuali oka kapala si mengaesa im pakasa sé an sorga wo sé ang kayo'baan.

1 Tesalonika 4:16

Sa Sia maayo, awéan oka esa perénta an sorga kumua in taangko', si Kikiiten é malaékat mangko' repet wo en terompét i Amang Kasuruan tuméngé. Asi témpo ituo si Apo' Yesus tumumpa mai a mangé en sorga owo, wo sé tou maéman ai Sia sé matéo, séra en dior touen sumawel.

2 Tesalonika 2:1

Poo-poow, en andumoro' i Apo'ta Yesus Kristus maai sumawel wo andumoro' in li'usen-Na kita mewali-wali wo Sia, pangileken ami ai camu,

Ibrani 12:19

Wo lingan éra en téngéna in terompét wo en suara i Amang Kasuruan. An tutuw éra luminga in suara itu séra maindé' keli akar pangileken éra a si Musa wosama' si Amang Kasuruan ra'io ka'i rumoma' ai séra.

Wahyu 1:20

Sé sinérémuo itu eng kaangéanna icaenepé'. Si anioo eng kaangéanna sé pitu sumesendot sé sinérémuo ang kama kakan-Ku, wo sé pitu totombol patuliran in sosoloan niéma' a mas itu: sé pitu sumesendot itu malaékat sé mengatéir sé pitu jamaat, wo sé pitu patuliran in sosoloan, siituo sé pitu jamaat.”

Wahyu 11:15

Wo si malaékat kapitu sumengo in terompét, wo awéan suara si maangko' an untep in sorga makua, “Eng kakolanoan ing kayo'baan mamualio Kakolanoan i Casuruanta wo Kakolanoan i Kristus. Sia merénta oka akar ing kauré-uré.”

Wahyu 7:1

Kekawus in itu, kaséréanku awéan epat malaékat makatulung an epat pawayaan in deges ang kayo'baan. Péneten éra en epat lalan in deges itu wosama' ra'ica rumeges ang katanaan, an ta'sic, kuma'pa an tuu-tuura ing kayu.

Wahyu 8:2

Wo sérénku sé pitu malaékat sé makatulung an dior i Amang Kasuruan, séra si esa wo si esa winéan esa terompét.