Matius 24:22 - En Taar Weru a nunuwu' é Tontemboan

²² Wo sa sé endo kawenduan itu ra'ica koleken i Amang Kasuruan, ra'ica wana mandé esake' tou e malowir. Taan ampa'paano ing kaupusan-Na a sé tou sé sinisir-Nao, akar sé endo kawenduan itu koleken-Na oka.

Matius 24:22 ပူးပေါင်းရင်းမြစ်များ

Matius 22:14

Kelian en tou sé tinowa muntep ang Kakolanoan i Amang Kasuruan, taan wayake' im pira eng kinasisiran.”

Matius 24:24

Ampa'paan sé kristus ra'ica wutul wo sé nabi ra'ica wutul mapaturu' oka. Émaan éra oka en tuu-tuus wo kakaya'kaan sé ra'io icakua en sumélé'kow sé tou, sa woo ro'na ka'i, isélé'kow éra sé tou sinisiro i Amang Kasuruan.

Matius 24:31

Wo iru'du'-Na oka sé malaékat-Na kumesot sumengo in trompét taténgé keli, wo ipapali'us-Na ai séra pakasa sé tou sé sinisir-Nao am bisa-wisake' asi kayo'baan anio' tumo'tol asi tempok in langit akar asi tempok in langit.

Markus 13:20

Wo sa sé endo kawenduan itu ra'ica kinolek i Amang Kasuruan ra'ica wana esa tou e malowir. Taan ampa'paano ing kaupusan-Na a sé tou sé sinisir-Nao, akar kinolek-Na en endo itu.

Lukas 18:7

Sa si akim si marapitke' itu ro'na méla im perkara i wéwéné balu itu, wopé'taré si Amang Kasuruan, tantu tawangen-Na oka sé tou sinisir-Nao in esa sé meki-kiupus ai Sia endo wo em bengi. Wo makala'us tawangen-Na wo ra'ica ipauré-uré.

Roma 9:11

Wo ra'ipé' itumou sé rua toyaang itu, si Amang Kasuruan tumantuo im pawasa-wasa-Na. En itu ra'ica ampa'paan im pengaémaan é rua toyaang itu, ampa'paan an tutuw sé rua toyaang itu ra'ipé' maéma' sé loor wo sé léwo',

2 Timotius 2:10

Ampa'paan in iituo aku talesen mengawuléng ing kawenduan itu wosama' sé tou sinisiro i Amang Kasuruan ro'na maéman a si Kristus Yesus wo makéré ing kalowiran ang karapi i rarayo wo in sisiri' akar ing kauré-uré.

1 Petrus 1:1

En surat anio' a yaku owo Petrus, si ruru'du'an i Yesus Kristus. En surat anio' aipaticku ai camu sé tou sinisir i Amang Kasuruan e mamuali anu-Na. Icamu anio' asalo imanangkéi wo maento' an uner é tou sé ra'ica maéman wo isumeraro an sangkum im Pontus, Galatia, Kapadokia, Asia Teké' wo am Bitinia.