Matius 24:14 - En Taar Weru a nunuwu' é Tontemboan

¹⁴ Wo en Abar Kaaruien andumoro' ing Kakolanoan in Sorga ipakua-kua oka am bisa-wisa asi kayo'baan anio', e mamuali kasairian a sé pakasa é tou. Kumawus in itu maayo en endo kaka'puan ing kayo'baan.”

Matius 24:14 ပူးပေါင်းရင်းမြစ်များ

Matius 10:7

Mangém wo yabaro ai séra, ‘Makatawio en orasna si Amang Kasuruan kumawasa tanu Kolano.’

Matius 18:19

Icua-Ku ka'i ai camu, ang kayo'baan anio' sa an uner iow awéan rua tou meesa mangilek sapake' mangé, em pinangilek iow itu tantu énan i Amang-Ku an sorga.

Matius 24:3

Kumawus in itu, si Yesus mangé an Tolaina in Zaitun wo ang karoro'an-Na i makalukut am bitu wo mai sé murit-Na mepaar ang karapi-Na, sérake' in esa. Icua éra, “Guru, icua mai ai cami, kawisa réén en aicua i Guru itu mamuali? Wo sapa réén en tuusna sa si Guru maayo sumawel wo sapa réén en tuusna sa an orasnao in endo kaka'puan ing kayo'baan?”

Matius 24:6

Wo kalingaan iow oka en téngéna im perang, wo en abar andumoro' im perang. Taan mandé in taniitu mareti-retio wo tioo kamu maindé'. Pakasa en itu musti mamuali, taan ra'ipé' an orasna ing kaka'puan ing kayo'baan.

Matius 4:23

Wo si Yesus mangé ka'i lumi'cir im pakasa ing Galilea wo masusui am balé-walé paapo'an é agama Yahudi. Sia kumua in Abar Kaaruien andumoro' ing Kakolanoan i Amang Kasuruan. Wo samaan-Na waya sé tou am pakasa in sakit wo sé tou ra'ica lekep en owak.

Matius 9:35

Wo si Yesus mangé lumi'cir im pakasa ing kota wo in doo-roong. Sia masusui am balé-walé paapo'an é agama Yahudi wo makua in Abar Kaaruien andumoro' ing Kakolanoan i Amang Kasuruan. Wo Sia ka'i sumama' sé tou sé membam-balinaan en sakit wo sé ra'ica lekep en owak.

Markus 13:10

Ampa'paan en Abar Kaaruien itu musti icua owo a sé pakasa im bangsa.

Lukas 2:1

Ra'ipé' uré eng ketou i Yohanes, si Kaisar Agustus méé esa perénta rumu'du' pakasa sé touna ang kakolanoan i Romawi en dumaftar i ngaran éra.

Lukas 24:47

Wo aipatic ka'i sapaoka en abar anio' musti sisil angé maké ing kawasa i ngaran-Na a sé pakasa im bangsa tumo'tol an Yerusalem akar am pakasa ing kayo'baan: Si séike' e mape'dis ang kamesé-meséaan ampungan oka i Amang Kasuruan.

Lukas 4:5

Kekawus in itu iwali ka'i i kikiiten é sétang si Yesus asi esa tampa rangka'. A mangé mbitu tumarépé'anke'mai turu' i kikiiten é sétang a si Yesus pakasa eng kakolanoan ing kayo'baan.

Kisah Para Rasul 1:2

akar asi endo Sia icaangkai angé an sorga. Ra'ipé' icaangkai angé si Yesus an sorga, Sia si pakakawasan i Roh Le'nas si mééo perénta sapa e musti émaan é ruru'du'an sé sinisir-Na.

Kisah Para Rasul 11:28

Esaan ai séra si makangaran Agabus pinaké i Roh Le'nas. Sia tumulung wo kumua, “Mai oka en témpona am pakasa ing kayo'baan tenan oka ing kaareman wangko'.” Wo eng kamamualian itu mamuali ka'i an jaman i Klaudius.

Kisah Para Rasul 17:31

Ampa'paan aitantu-Nao asi esa témpo e makim sé tou karapi i ra'ica marapit, wo aituru'-Nao esa Tou mamuali akim. Wo aituru'-Nao en itu a sé pakasa in tou ang karapi in tumou sumawel si Tou itu am papaté.”

Kisah Para Rasul 17:6

Taan ra'ica kinéréan éra si Paulus wo si Silas am bitu. Ampa'paano in itu wésoon éra si Yason wo piraan tou sé maéman wo iwali éra a sé makakawasa ing kota itu. Wo ipaangko' éra, “Sé tou mengalicoko am bisa-wisa imayo ang kota anio',

Kisah Para Rasul 19:27

Anaé, sa pakasa en tou kumiit im pakua i Paulus, en tawoienta anio' iséro' oka é tou. Wo ka'i si caindé'ta sa eng kuil i opo'ta Artemis ra'io wana ka'i torona. Eng kasiwakana em patong i opo'ta Artemis si pengaapo'an é pakasa in tou an Asia wo am pakasa ing kayo'baan ra'io ka'i paapo'an éra.”

Kisah Para Rasul 20:25

Intarépé' icuaku ai camu sapaoka icamu ra'io meta'up wo yaku. An tutuwku i mewali-wali wo icamu, aicuakuo tambisa e mamuali tou i Amang Kasuruan.

Roma 10:18

Taan wuéienku: Ra'ipé' réén sumangkum ako sé tou Israel luminga in Abar Kaaruien andumoro' i Yesus Kristus? Tantu séra sumangkumo luminga. Ampa'paan ang Kitap Le'nas aipatic in tana'i, “En suara é tou mengakua in abar, imakaro am pakasa ing kayo'baan, wo e nunuwu' éra imakaro a sé im pakasa é tou.”

Kolose 1:23

Ampa'paano in itu kamu musti le'tek maéman wo kasake' keter makatimboi asi Abar Kaaruien andumoro' si Yesus Kristus. Wo tioo itela'u miow em paarapen si an untep in Abar Kaaruien itu, si aiwééo ai camu wo liningao miow. Wo en Abar Kaaruien itu aicuao a sé pakasa é tou ang kayo'baan. Wo yaku Paulus mamuali tou mengaselewir eng kumua in Abar Kaaruien andumoro' i Yesus Kristus itu.

Kolose 1:6

Wo en Abar Kaaruien itu aicaseraro am bisa-wisa ang kayo'baan wo em buéna kinaséréano ang katouan é tou. Taniituo ka'i wo icamu, tumo'tolai kamu luminga in Abar itu wo wutu-wutul makailek in upus aitambér-Na, kamu kinamango i Amang Kasuruan.

Ibrani 1:6

Taan, an tutuw si Amang Kasuruan imutusai si Toyaang-Na luluna mai ang kayo'baan anio', icua-Na in tana'i, “Pakasa sé malaékat i Amang Kasuruan musti kumuru en sumiri' Sia.”

Ibrani 2:5

Ra'ica sé malaékat em binéan i Amang Kasuruan kawasa e merénta ing kayo'baan weru sa, si ang karoro'an im papaarenta anio'.

Wahyu 14:6

Wo kaséréanku si esa malaékat walina ituméléw rumangka-rangka' an langit. Sia itu maali-ali in Abar Kaaruien si akar ing kauré-uré torona icua a sé tou sé maénto' ang kayo'baan. Séra ituo sé pakasa im bangsa, in suku, i nunuwu' wo i negara.

Wahyu 16:14

Séra ituo sé roh é sétang sé mengaéma' in tuu-tuus kakaya'kaan. Wo séra mangé meta'up asé im pakasa é kolano am pakasa ing kayo'baan wo lumi'us iséra e mangé merang asi endo si Amang Kasuruan si Makakawasa makim sé tou.

Wahyu 3:10

Kiniitano miow em peré-perénta-Ku ang karapi in talesen. Ampa'paan in itu loindongen-Ku oka kamu asi oras im pangepé'an si maai oka ang kayo'baan e mangepé' iséra sé maento' ang kayo'baan.