Matius 23:4 - En Taar Weru a nunuwu' é Tontemboan

⁴ Kelian en atoran uter sé niéma' éra wo iru'du' éra émaan é tou, taan séra in esa ra'ica kiim méma' in atoran itu. En itu tanu séra ma'kes im barang uter wo iwéé éra wuléngen é tou taan séra in esa ra'ica kiim sumémbong.

Matius 23:4 ပူးပေါင်းရင်းမြစ်များ

Matius 23:23

Icawangkuro mio' kamu sé makailek wutul in Torat wo sé tou Farisi! Kamu anio' tou punek. Em pengawéé miow sanga pepulu' a si Amang Kasuruan wuéna i nanamur ruminte-rintek tanumai salasi, adas tombal wo jintan. Taan si penting keli an ukum Torat ra'ica pengaémaan iow, tanumai tioo mengarapit, mengaturu' mangé ing kaupusan a sé tou walina, kasake' le'tek maéman a si Amang Kasuruan. Pakasa en itu musti émaan iow wo tioo pelupa miow e méma' sé walina.

Matius 23:3

Ampa'paano in itu musti lingan wo émaano waya sé aisusui éra ai camu. Taan tioo kiiten iow em peri éra, ampa'paan em pasusui éra ai camu ra'ica pengaémaan éra.

Lukas 11:46

Taan isowat i Yesus ai séra, “Éi kamu sé makailek wutul in Torat, icawangkuro ka'i kamu! Ampa'paan kamu méma' in atoran-atoran uter keli sé ra'ica kaémaan é tou. Taan kamu in esa ra'ica kiim tumawang iséra tumambisa méma' in atoran-atoran itu mandé esake'.

Kisah Para Rasul 15:10

Sa taniitu, kéitu réén kamu mangepé' a si Amang Kasuruan ang karapi méé im pamuléngen a sé tou ra'ica Yahudi sé maémano? Sé apo-apo'ta wo ka'i cita in esa ra'ica kawisa makawoo méma' waya in ukum Torat.

Kisah Para Rasul 15:28

Niénano i Roh Le'nas wo niénano ka'i ami, sa kamu ra'ica sangali in sunaten kuma'pa kumiit in ukum si aisusuio i Musa. Ampa'paan in ituo, kami asalo rumu'du' icamu eng kumiit in atoran anio':

Galatia 6:13

Séra sé makiit in atoran sunat, ra'ica ka'i paémaan éra waya sé an ukum Torat. Taan icasalé' éra kamu sunaten wosama' séra ro'na tumirayo in owak ampa'paan kamu makiit in atoran sunat.

1 Yohanes 5:3

Anaé, sa kita mengaupus si Amang Kasuruan, tantu émaanta em perénta-perénta-Na. Em perénta-perénta-Na itu sa émaanta ra'ica uter.

Wahyu 2:24

Taan awéané' sé tou walina ai camu an Tiatira sé ra'ica makiit in sususuien i Izebel, wo ra'ica masalé' makailek andumoro' si kikiiten é sétang. Wo ra'ica kiim-Ku méé im pamuléngen walina ai camu