Matius 23:37 - En Taar Weru a nunuwu' é Tontemboan

³⁷ “Éi tou Yerusalem! Pinaté miow sé nabi, wo ka'i winangkil iow im batu sé tou ayutusai i Amang Kasuruan. Makapirao Aku masalé' lumi'us icamu im baya mai anduru-Ku, meputé si inang é ko'ko' lumi'us sé sisina an darem in tétéléwna. Taan ra'ica kiim iow.

Matius 23:37 ပူးပေါင်းရင်းမြစ်များ

Matius 22:3

An tutuw em pésta itu tumo'tolo, iru'du'na sé atana en tumowa sé tou sé nienotnao wosama' lumilio mai am pésta itu. Taan sé tou itu ra'ica kiim lumili mai.

Matius 22:6

Sé walina ka'i tumangka'ke' sé ata itu, okoien éra wo patén éra.

Matius 23:30

Wo icua miow in tana'i, ‘Sa kami menonou an jaman é apo-apo' ami indior, tantu ra'ica kiim ami kumiit tanu iséra sé maté sé nabi.’

Matius 23:31

Wo in taniitu, e nunuwu' miow ituo en tumuru' sapaoka kamu itu taranak é tou sé maté sé nabi.

Matius 5:12

Maaru-aruio wo masalé-salé'o, ampa'paan en laasamu wangko' an sorga. Sé nabi menonou indior ka'i niokoio tanu siitu.”

Lukas 15:28

Kelinga in itu, si toyaang luluna anio' mae'bow akar sia ra'- ica kiim muntep am balé. Wo si amangna kumesot, lepéienna sia wosama' muntep.

1 Tesalonika 2:15

Sé tou Yahudi sé mengaokoi itu ra'ica mengaéma' ing kasalé'an i Amang Kasuruan. Indior pinaté éra sé nabi wo si Apo' Yesus wo kami okoien éra ka'i wo yusér éra. Wo pakasa en tou nianggap érao kaséké'.

Wahyu 17:6

Wo sérénku si wéwéné itu malanguo ampa'paan i melep in enda' é tou le'nas wo in enda' é sairi-sairi i Yesus. Keséréku isia, yaku mangaya-ngaya'ka'.