Matius 23:28 - En Taar Weru a nunuwu' é Tontemboan

²⁸ Tanu siituo ka'i em peri miow, pakasérén kéndo' tanuoka sé tou maéma' im butul, taan en até miow mawuta-wuta ing kapunekan wo ing kaléwo'an.

Matius 23:28 ပူးပေါင်းရင်းမြစ်များ

Matius 23:27

Icawangkuro mio' kamu sé makailek wutul in Torat wo sé tou Farisi! Icamu anio' tou punek. Icamu itu puté wo ing kubur kinisu ing kulo'. Ang kesot kaséréan pasung, taan an untepna mawuta-wuta in du'i é tou imaté wo pakasa im buruk sé membam-balinaan.

Matius 23:29

Icawangkuro mio' kamu sé makailek wutul in Torat wo sé tou Farisi! Kamu anio' tou punek. Niéma' miow sumawel eng kubur é nabi sé pinaté é apo-apo' miow, wo pinerong iow ka'i en tugu pata'néian é tou le'tek a si Casuruan.

Matius 23:5

Pakasa em pengaémaan éra asalo ipapaturu' éra a sé tou. Séra mengapaké in tali sombayang si aipetutu' éra winangkeran toyo' wo e rumbai in juba aipetutu' éra ka'i linambot.

Lukas 16:15

Wo icua i Yesus ai séra, “Kamu mapaturu-turu' kéndo' a sé tou walina sapaoka kamu mengaéma' im butul, taan en até léwo' miow kailekan i Amang Kasuruan. Ampa'paan sapa em paanggapen é tou awéan wééna, nianggap i Amang Kasuruan wutu-wutul ra'ica wana wééna.

Galatia 2:13

Sé tou Yahudi walina an Antiokhia, tutuw éra suméré sé tou Yahudi mai an Yerusalem owo, séra ka'i kumiit ing kapunekan i Kefas, séra ra'io kiim ka'i kuman mewali-wali wo sé tou ra'ica Yahudi itu. Taniitu ka'i wo si Barnabas kinatawéran éra wo mekiit ing kapunekan éra.