Matius 23:26 - En Taar Weru a nunuwu' é Tontemboan

²⁶ Éi tou Farisi wola! Wu'asan owo en an untep im paelepan wo em pakanan itu wosama' ang kesotna ka'i maweresi.

Matius 23:26 ပူးပေါင်းရင်းမြစ်များ

Matius 12:33

Sa en tuura icua miow loor, tantu loor ka'i em bua'na, taan sa en tuura icua miow ra'ica loor tantu ra'ica loor ka'i em bua'na. Ampa'paan asi wua'na ituo kailekanta en tuurana.

Matius 14:8

Ampa'paan e nunuwu' léwo' i inangna, si toyaang wéwéné itu kumua, “Wééo mai a yaku en do'kos i Yohanes Mabaptis am bawo im baki!”

Markus 7:4

Wo ka'i sa séra maréngai am pasar, séra ra'ipé' toro kuman sa ra'ipé' imeresi in owak. Keliané' ka'i eng kanaramen walina sé pengatimboien éra in sama', tanu mai mu'as ing gelas, tampayang wo sé pakakas tambaga wo ka'i em patekelan.

Lukas 11:39

Taan icua i Apo' Yesus a si tou Farisi itu, “Kamu sé tou Farisi, ipaturu' miow a sé tou sapaoka kamu mengaéma' in atoran agama miow, taan en até miow imawutao ing kaléwo'an wo mengaandét ing kasiyaan é tou. En itu meputé wo kamu mengawu'as im paelepan wo im pakanan ang kesotnake' taan an untepna kotor keli.

Lukas 6:45

Si tou sama' em ipanuwu'na asaloke' in andumoro' sé loor, ampa'paan an untep in aténa wuta in andumoro' sé loor. Taan si tou léwo' em ipanuwu'na asaloke' sé léwo', ampa'paan an untep in aténa wuta in andumoro' sé léwo'. Ampa'paan sapa sé ayéma' an aténa, siituo en lumembo mai am ba'ba'.”

2 Korintus 7:1

Poo-poow sé icaupusku, pakasa en janji itu aituru' ai cita. Ampa'paan in itu mayo kita meresi in owak asé im pakasa sé mengakotor in owak wo i rohta. Wo mayo kita menonou le'nas torona i Amang Kasuruan ang karapi in lekep wo maindé'o mangé ai Sia.

Ibrani 10:22

Ampa'paan in itu mayoo kita rumuru mangé a si Amang Kasuruan ang karapi in lekep en até wo uli-ulit maéman ai Sia. Ampa'paan en atéta wineresio in enda' i Kristus akar male'nas asi kaléwo'anta, wo en owakta tanuoka winu'asano in dano weresi.

Yakobus 4:8

Rumaméjio mangé rumuru a si Amang Kasuruan, wo kamu rurun-Na oka mai. Wu'asanno mio' eng kama miow, éi kamu sé tou iméma' ing kamesé-meséaan! Le'naseno mangé en até miow, éi kamu sé marua-rua até.