Matius 23:24 - En Taar Weru a nunuwu' é Tontemboan

²⁴ Icamu sé kikiiten wola! Si réong an elepen iow pengatapisen iow, taan si onta an untepna pengalo'moten iow.

Matius 23:24 ပူးပေါင်းရင်းမြစ်များ

Matius 15:14

Wayao mio' sé tou itu. Séra tou wola sé maakin sé tou wola. Sa sé tou wola maakin sé tou wola, séra in dua tantu lumepok oka an lo'beng.”

Matius 19:24

Wo icua-Ku ka'i sumawel ai camu, lébé taporak si esa onta muntep am bo'so im biwilit wotaré si tou siya' muntep ang Kakolanoan i Amang Kasuruan.”

Matius 23:16

Icawangkuro mio' kamu sé kikiiten wola! Kamu anio' puté wo si tou wola maakin sé tou wola walina! Ipasusui iow a sé tou, ‘Sa si tou sumumpa maké im Balé Le'nas, en sumpana itu ro'nake' ra'ica émaanna. Taan sa sia sumumpa maké i mas am Balé Le'nas, en sumpana itu musti émaan.’

Matius 7:4

Tambisa réén kamu ro'na kumua a si poowmu, ‘Mayoo icesotku en awu ing kayu am berenmu’, taan awéan balak am beren iow?

Yohanes 18:28

Asi Woondona mai imamoondopé' keli, iwali éra si Yesus am balé owo i Kayafas, wo mangé an istana i gubernur Romawi. Taan sé kikiiten é tou Yahudi itu ra'ica mekiit muntep an untep in istana itu ampa'paan paweroten é tou Yahudi najis em balé é tou ra'ica Yahudi. Ra'ica kiim éra numajis in owak éra, ampa'paan asi endo itu séra musti kuman ing kakanen Paska.

Yohanes 18:40

Wo ayangko' érake', “Tioo si Tou itu! Iwekaro si Barabas!” Si Barabas itu tou mengarampok.

Wahyu 12:16

Taan si wéwéné itu tinawang ing katanaan. Wo inganga ing katanaan em ba'ba'na en lumo'mot in dano in doyongan si aireputai i naga itu.