Matius 23:23 - En Taar Weru a nunuwu' é Tontemboan

²³ Icawangkuro mio' kamu sé makailek wutul in Torat wo sé tou Farisi! Kamu anio' tou punek. Em pengawéé miow sanga pepulu' a si Amang Kasuruan wuéna i nanamur ruminte-rintek tanumai salasi, adas tombal wo jintan. Taan si penting keli an ukum Torat ra'ica pengaémaan iow, tanumai tioo mengarapit, mengaturu' mangé ing kaupusan a sé tou walina, kasake' le'tek maéman a si Amang Kasuruan. Pakasa en itu musti émaan iow wo tioo pelupa miow e méma' sé walina.

Matius 23:23 ပူးပေါင်းရင်းမြစ်များ

Matius 12:7

Aipatic ang Kitap Le'nas tana'i, ‘Si icasalé'-Ku kaupusan, ra'ica raragés’. Sa réén wutul kailekan iow em peangé-angén in taar anio', tantu ra'ica wéan iow meséa' sé murit-Ku sé ra'ica meséa'.

Matius 23:13

“Icawangkuro mio' kamu sé makailek wutul in Torat wo sé tou Farisi! Kamu anio' tou punek. Ampa'paan pengakalaan iowke' sé tou masalé' muntep ang Kakolanoan in Sorga. Icamu in esa ra'- ica kiim muntep ang Kakolanoan in Sorga, akar pengakalaan iow sé tou masalé' muntep ang Kakolanoan in Sorga. [

Matius 9:13

Anaé, pangéréno eng kaangéan si aicua i Amang Kasuruan anio': En icasalé'-Ku ra'ica raragés, taan kaupusan, ampa'paan Aku maai ra'ica tumowa sé tou wutul taan sé tou iméma' ing kamesé-meséaan.”

Lukas 11:42

Icawangkuro mio' kamu sé tou Farisi! Ampa'paan ipengawéé miow a si Amang Kasuruan sangapepulu' wuéna in tinanem iow tanumai salasi, inggu wo pakasa in lalaina in tinanem pengaséndéén sé membam-balinaan. Taan sé pengaémaan iow marapitke' a sé tou walina wo ka'i ra'ica mengaupus a si Amang Kasuruan. En ulitna si musti pengaémaan iow, tioo marapit a sé tou walina wo mengaupus angé a si Amang Kasuruan wo tioo ilupa miow e mengaéma' sé walina.

Lukas 18:12

Yaku mengapuasa makarua susur in duminggu wo yaku ka'i mengawéé sangapepulu' am pakasa im buéna in tinawoiku.’