Matius 23:12 - En Taar Weru a nunuwu' é Tontemboan

¹² Si séi e mengarangka' in owak, sia iwawa' oka. Taan si séike' e mengawawa' in owak, sia iparangka-rangka' oka.”

Matius 23:12 ပူးပေါင်းရင်းမြစ်များ

Matius 18:4

Wo si séi e menonou ko'kos en até wo mamuali tanu si toyaang teké' anio', siao e mangko-wangko' ang Kakolanoan in Sorga.

Matius 5:3

“Pakakamangen sé tou lengéi an dior i Amang Kasuruan, ampa'paan sérao e makaanu ing Kakolanoan in Sorga.

Lukas 14:11

Ampa'paan, si séike' mengarangka' in owak, sia iwawa' oka wo si séike' e mengawawa' in owakna, sia iparangka-rangka' oka.”

Lukas 18:14

Icua-Ku ai camu: An tutuw si tou matagi im pajak itu maréng am baléna, sia si nianggap wutul i Amang Kasuruan, taan si tou ang golongan Farisi itu ra'ica. Ampa'paan si séi e mengarangka' in owak, sia iwawa' oka. Wo si séike' e mengawawa' in owak, sia iparangka-rangka' oka.”

Yakobus 4:6

Taan en upus aitambér i Amang Kasuruan ai cita, lébé wangko' mai wo in itu. Ampa'paano in itu aipatic ang Kitap Le'nas tana'i, “Sunduren i Amang Kasuruan sé tou tirayo, taan turu'-Na eng kaupusan a sé tou ko'kos en até.”

1 Petrus 5:5

Kamu é tou wo'bas, kamu musti le'tek a sé tou sé lébé matu'a. Wo kamu im baya sé maémano, kamu musti mensen-selewiran ang karapi ing ko'kos en até, ampa'paan ang Kitap Le'nas aicua in tana'i, “Si Amang Kasuruan oka en sumundur sé tou tirayo, taan sé tou ko'kos en até icaupus-Na.”

1 Petrus 5:6

Ampa'paan in ituo, ko'koso mio' en owakmu an dior i Amang Kasuruan si kumete-keter, wosama' asi oras si aitantu-Nao, irangka'-Na oka kamu.