Matius 22:44 - En Taar Weru a nunuwu' é Tontemboan

⁴⁴ ‘Si Amang Kasuruan icumuao a si Tuangku in tana'i: Lumukuto mai asi tampa pasiri-siriin ang kakan-Ku, akar sé kaséké'-Mu iweta'-Ku an darem im palara ing kécéi-Mu.’

Matius 22:44 ပူးပေါင်းရင်းမြစ်များ

Matius 22:45

Anaé, sa si Daud mengatuul si Kristus itu Tuangna, tambisa réén wo icuata Sia itu taranakna ka'i?”

Matius 26:64

Wo isowat i Yesus, “Si Amango in esa en cumua in itu. Taan icua-Ku ai camu, tumo'tol asi oras anio' kaséréan iow oka si Toyaang i Tou makalukut ang kakan i Makakawasa, wo mai ang kayo'baan an dangka' ing kambung-kambung an langit.”

Markus 16:19

Makanuwu' mako si Apo' Yesus a sé murit-Na, Sia icaangkai angé an sorga wo lumukut ang kakan i Amang Kasuruan.

Lukas 19:27

Wo intarépé', pakasa sé kaséké'ku itu sé ra'ica masalé' yaku mamuali kolano éra, iwali mai wo patén an diorku!’ ”

Yohanes 20:28

Wo icua i Tomas, “Icoo si Tuangku wo ka'i Amang Kasuruanku!”

1 Korintus 1:2

En surat anio' aipaticku ai camu jamaat i Amang Kasuruan ang Korintus sé line'naso i Amang Kasuruan ampa'paan imeesao ang karapi i Kristus Yesus, wo ka'i tinowao i Amang Kasuruan e mamuali tou le'nas mewali-wali wo sé pakasa in tou maéman am pakasa in tampa, sé maapo' a si Yesus Kristus, si Apo'ta im baya.

1 Korintus 15:25

Ampa'paan ra'ipé' ang kaka'puan ing kayo'baan, si Kristus musti merénta tanu Kolano akar kalan i Amang Kasuruan pakasa sé kaséké' i Kristus wo iweta'-Na séra am palara ing kécéi i Kristus.

Filipi 3:8

Ra'ica siituke', am baya-waya ra'ica wana torona, sa ipeputé wo yaku intarépé' si makatuuso si Kristus Yesus, Apo'ku. Wo ampa'paano i Kristus Yesus, iwekarku waya en itu wo anggapenku tanu noo, wosama' aku lébépé' ka'i makatuus si Kristus Yesus,

Ibrani 1:13

Wo si Amang Kasuruan ra'ica kawisa mako kumua a sé malaékat meputé si aicua-Na a si Toyaang-Na, “Lumukuto mai asi tampa pasiri-siriin ang kakan-Ku, akar sé kaséké'-Mu iweta'-Ku am palara ing kécéi-Mu.”

Ibrani 1:3

Asi Toyaang-Na ituo ro'na kaséréanta e rarayo wo in sisiri' i Amang Kasuruan, Siao em paséréan im peri wo ing kawasa i Amang Kasuruan in esa, Siao ka'i e makatéir im pakasa sé ang kayo'baan ang karapi in Taar-Na si wuta ing kawasa. Wo Siao ka'i e meresi ing kamesé-meséaan é tou, kekawus in itu Sia mangé an sorga wo lumukut ang kakan i Amang Kasuruan si Makakawasa, asi tampa irumangka-rangka'.

Ibrani 12:2

Am papekowaan anio', mayoo kiitenta ang karapi im beren si asalo makatéinteng angé a si Yesus, ampa'paan Siao si maakin im paémanenta a si Amang Kasuruan wo si makawali im paémanenta makaleke-lekep. Sia talesen pengaokoien akar maté ang kayu salip, ra'ica pandungen-Na em pengaroros ampa'paan kailekan-Na sapaoka makasangkum ako im pakasa in itu awéan kaaruian si aitu'tulo ai Sia. Intarépé' Sia makalukut ang kakan im palukutan pasiri-siriin i Amang Kasuruan.

Wahyu 19:19

Wo kaséréanku si binatang itu imali'uso mewali-wali wo sé kolano ang kayo'baan wo sé suraro éra. Séra itu merang en sumundur Sia si makalukut an licur i cawayo kulo' ang karapi é suraro-Na.