Sapa sé icasalé' miow émaan é tou walina ai camu, tanu siituo si musti émaan iow a sé tou itu. Siituo en sususuien ang kitap Torat wo ang kitap é nabi.”
Tinerimata en ukum-ukum i Amang Kasuruan ampa'paan i Musa, taan kinatuusanta en upus aitambér i Amang Kasuruan wo en sususuien wutul-Na ampa'paan si Yesus Kristus.
An ukum Torat aipatic in tana'i: “Tioo mengabersina, tioo mengapaté tou, tioo mengarombit, wo ka'i tioo mengasalé' in anu é tou walina.” Sé perénta-perénta itu wo ka'i sé perénta-perénta walina pineesao a si perénta anio', “Mengaupus angé sé kakélé tou tanu kamu mengaupus in owak iow in esa.”
Sina'uku waya en anio' ai co wosama' sé tou meupu-upusan. Wo en upus itu musti lumembomai an até le'nas wo an até weresi owo wo am paémanen imauli-ulit.
Sa émaan iow en ukum kumataré-taré si aipatic ang Kitap Le'nas, “Mengaupuso mangé sé tou walina, meputé kamu mengaupus in owak iow in esa!”, kamu iméma'o im butul.