Matius 22:4 - En Taar Weru a nunuwu' é Tontemboan

⁴ Wo iru'du'na ka'i sumawel sé atana walina, icuana, ‘Mangéo icua a sé tou sé nienotkuo itu, sapaoka em pésta kawéng tu'tulo waya. Tanumai sama'na é sapi tuama wo sé binatang kemel papiaranku siniwoo waya wo aituliro am bawo i méja. Ampa'paan in itu towano waya séra mai am pésta anio'.’

Matius 22:4 ပူးပေါင်းရင်းမြစ်များ

Matius 21:36

Wo iru'du'na ka'i sumawel sé atana walina maangé a sé matawoi in uma, kumeli mai wo sé airu'du'na kataré. Taan e niéma' é matawoi in uma a sé ata itu puté ka'i wo si niéma' éra a sé ata sé airu'du' kataré.

Matius 22:5

Taan ra'ica pinandung é tou nienot itu. Awéan sé imangéke' itumawoi an uma wo sé walina ka'i imangéke' murus im paraméjian éra i esa wo si esa.

Matius 22:8

Kumawus in itu, icua i colano a sé atana walina tana'i, ‘Em pésta kawéng tu'tulo taan sé tou nienot tarépé' ra'ica patus maai am péstaku.

Lukas 14:17

An tutuw em pésta itu tumo'tolo, iru'du'na sé atana mangé kumua a sé tou nienotna tana'i, ‘Mayoo ampa'paan pakasa tu'tulo.’

Kisah Para Rasul 1:8

Taan an tutuw i Roh Le'nas tumumpa mai ai camu, kamu makéré oka kawasa. Wo kamu mamuali oka sairi andumoro' Yaku an Yerusalem, am pakasa in Yudea wo an Samaria wo akar an tempok ing kayo'baan.”

Kisah Para Rasul 13:46

Taan ang karapi in da'ica wana kaindé'an, icua i Paulus wo si Barnabas, “Mémang wutul, en Taar i Amang Kasuruan itu musti icuao owo ai camu. Taan ra'ica kiim iow mercaya, kamu mawerot en owak iow ra'ica patus makéré ing katouan akar ing kauré-uré. Ampa'paano in itu, kamu itela'u ami wo kami maangé a sé tou ra'ica Yahudi eng kumua in taar i Casuruan itu.

Roma 8:32

Si Toyaang-Na in esa ra'ica pena-nangen-Na en sumangkum ing kawenduan taan aisarakan-Na torona kita im baya. Sa taniitu, tantu iwéé-Na oka ai cita em baya-waya mewali-wali wo Sia.