Matius 22:16 - En Taar Weru a nunuwu' é Tontemboan

¹⁶ Iru'du' éra sé murit éra wo piraan tou sé makiit si colano Herodes mangé a si Yesus e mamuéi ai Sia, “Guru, kailekan ami si Guru ra'ica matowo, wo masusui sé tou ang karapi i makakii-kiit andumoro' ing kasalé'an i Amang Kasuruan. Wo si Guru ra'ica maindé' a si séike' mangé ampa'paan si Guru ra'- ica masisir in tou.

Matius 22:16 ပူးပေါင်းရင်းမြစ်များ

Matius 22:24

“Guru, aicua i Musa in tana'i, sa si esa tuama icumawéngo wo sia maté ra'ica imakéré toyaang, si tuama metuari wo sia itu musti kumawéng wo si wéwéné mabalu itu, wosama' si tuama imatéo itu ro'na imakéré taranak.

Matius 22:26

Taan si tuarina karua ka'i imatéke' wo ra'ica makéré toyaang. Taniituo ka'i e mamuali asi tuarina katelu akar asi tuarina kapitu.

Matius 26:18

Wo isowat-Na, “Mangém ang kota Yerusalem, ipeta'up oka miow si esa tuama wo icua mio' en taar-Ku ai sia, ‘En oras i Guru makatawio, Sia masalé' kuman mewali-wali wo sé murit-Na am balému en tuma'néi in endo wangko' Paska.’ ”

Matius 26:49

Icateka' mangé séra am bitu, si Yudas makala'us rumuru mangé a si Yesus wo icuana, “Siri' é Guru!” Wo ciomenna si Yesus.

Markus 10:17

An tutuw i Yesus lumala'us im bawayaan-Na, menéro-néronai si esa tou e meta'up wo Sia. Wo sia kumundu an dior-Na, sia mamuéi, “Guru sama', sapa e musti émaanku e makéré ing katouan akar ing kauré-uré?”

Markus 12:13

Kekawus ako in itu, sé kikiiten é agama Yahudi rumu'du' piraan tou Farisi wo sé tou Yahudi sé makiit si colano Herodes en tuma'kong si Yesus, maké im buwuéien.

Markus 12:14

Sé tou itu mai wo kumua ai Sia: “Guru, kailekan ami si Guru ra'ica mengatowo. Si Guru ra'ica maindé' a si séike' mangé, ampa'paan si Guru ra'ica mengasisir in tou em pasiriin, taan taré masusui a sé tou ang karapi i makakii-kiit andumoro' ing kasalé'an i Amang Kasuruan. Intarépé' wuiéien ami sa kumiit in atoran in agamata, ro'na réén kami mér im pajak a si Kaisar kuma'pa ra'ica? Musti réén kami mér im pajak kuma'pa ra'ica?”

Markus 3:6

An tutuw ituke', sé tou Farisi kumesot am balé paapo'an. Séra makala'us mangé e mepaar wo sé tou makii-kiit si Herodes en tumambisa maté si Yesus.

Markus 8:15

Wo ita'néi i Yesus ai séra, “Matéi-téiro wo maténga-téngamo andumoro' i ragi é tou Farisi wo ragi i Herodes.”

Lukas 20:21

Icua é tou itu a si Yesus in tana'i, “Guru, kailekan ami pakasa sé aicua wo sé aisusui-Mu itu wutul wo si Guru ra'ica masisir tou em pasiriin, wo ka'i si Guru masusui ang karapi i makakii-kiit andumoro' ing kasalé'an i Amang Kasuruan.

Lukas 7:40

Wo icua i Yesus a si Simon, “Simon, awéan en icasalé'-Ku icua ai co.” Isowat i Simon, “Icuao mai é Guru.”

Yohanes 14:6

Wo icua i Yesus, “Yakuo en lalan maangé a si Amang Kasuruan, Yaku ka'i si mengakua in sususuien wutul andumoro' i Amang Kasuruan, wo Yaku ka'i si mengawéé mai ing katouan akar ing kauré-uré. Ra'ica wana esake' tou e maai a si Amang sa ra'ica ipakawali-Ku.

Yohanes 18:37

Wo icua i Pilatus ai Sia, “Anaé, kolano réén Ko?” Isowat i Yesus, “Ico en icumua sapaoka Yakuo si colano. Yaku aitou wo mai ang kayo'baan eng kumua in sususuien wutul andumoro' i Amang Kasuruan. Si séike' sé masalé' luminga in sususuien wutul andumoro' i Amang Kasuruan, tantu pengalinganna sé ipakua-Ku.”

Yohanes 7:18

Si tou makua mapakéke' im bewerotna in esa, sia maéré-éréke' ing kasiri'an in owakna in esa. Taan si tou si mengaéré ing kasiri'an torona Sia si mutusai si tou itu, tantu sia makua im butul wo ra'ica mengatowo.

2 Korintus 2:17

Kami ra'ica meputé wo sé kinakelian tou sé mengakua in abar i Amang Kasuruan e mangéré ing kauntungan in esa. Em paangé-angén ami lekep en até, ampa'paan si Amang Kasuruan e rumu'du' icami. Wo si Amang Kasuruan in esa en suméré sapaoka icami makua in abar itu tanu ata-ata i Kristus.

2 Korintus 4:2

Ra'ica kiim ami iméma' in tawoien anio' maké ing kanaramen sé ipaene-enep wo sé kalawiin. Wo ra'ica kiim ami matawoi ang karapi imauwak wo mengasélé'kow in Taar i Amang Kasuruan. Taan sé ipakua ami andumoro' sé wutul an dior i Casuruan, wo in taniitu icami maarap wosama' pakasa in tou numilai sumama-sama' ai cami an dior i Amang Kasuruan iciit in até weresi éra.

2 Korintus 5:16

Ampa'paan ituo, icami ra'io ka'i numilai sé tou makiit im pakanilai é tou. Indior icami in esa numilai si Kristus makiit im pakanilai é tou, taan intarépé' ra'io ka'i tanu siitu.

Galatia 1:10

Tioo mengawerot sa aku rumaméji marui in até é tou. Yaku rumaméji marui in até i Amang Kasuruan. Sa aku asaloke' rumaméji marui in até é tou, yaku anio' ra'ica ata i Kristus.

Galatia 2:6

Wo sé tou sé nianggap pasiri-siriin itu ra'ica mawes sapa-sapa an Abar Kaaruien si aicuakuo. (Em butulna sa aku, séra tou sé pasiriin kuma'pa ra'ica pasiriin ra'ica pandungenku. Wo si Amang Kasuruan wutu-wutul ra'ica masisir in tou.)

1 Tesalonika 2:4

Kami tinokéano i Amang Kasuruan eng kumua in Abar Kaaruien andumoro' i Yesus Kristus, ampa'paan kami nianggap-Na patus eng kumua in itu. Ampa'paan in ituo ipakua-kua ami en Abar Kaaruien itu ra'ica asaloke' mengaarui in até é tou taan mengaarui in até i Amang Kasuruan si mengauji in atéta.

Yakobus 3:17

Taan si tou awéan kapinteran asi Amang Kasuruan owo itu, tana'i: Kataré sia menonou ang karapi in até weresi wo masalé' meelu-eluran wo sé tou, sama' a sé tou, téés, wuta ing kaupusan a sé tou wo mengéma-ngéma' andumoro' sé loor, ra'ica marapit wo ra'ica punek.

1 Yohanes 5:20

Kailekanta ka'i sa si Toyaang i Amang Kasuruan imayo wo mééo ing kakailekan ai cita wosama' katuusanta si Amang Kasuruan si Wutul. Wo kita menonou meesao wo si Amang Kasuruan si Wutul itu, ampa'paan kita esa wo si Toyaang-Na Yesus Kristus. Si Yesus itu Kasuruan si Wutul wo Siake' e méma' sé tou ro'na menonou akar ing kauré-uré.