Matius 22:13 - En Taar Weru a nunuwu' é Tontemboan

¹³ Wo icua i colano a sé atana, ‘Wa'keseno eng kécéi wo eng kama i tou itu wo iwangkilo mangé sia an tampa riréimbeng. A mangé mbitu kalingaan oka en amé' wo eng kare'ket im baang.’

Matius 22:13 ပူးပေါင်းရင်းမြစ်များ

Matius 12:29

Kuma'pa tumambisa réén si esa tou ro'na muntep am balé i esa tou enté' e mandét ing kasiyaanna, sa ra'ica wa'kesenna owo si tou enté' itu? Pakawa'kesenna mio' sia wo ro'nao andétenna waya sé an untep im balé itu.

Matius 13:30

Anaé, iwayao taré mio' eng gandum wo eng kuung itu tumou mewali-wali akar an orasna in upuun. Wo an tutuw itu icuaku oka a sé maupu' in tana'i: Umungen owo eng kuung wo émaano sanga-sanga wa'kes wo tunun. Kekawus in itu umungeno eng gandum wo mangé yéma' am paumungan ing gandumku.’ ”

Matius 13:42

Pakasa iténdél oka an api patunuan si ra'ica mape'de-pe'del. Am bitu séra mengamé-ngamé' oka wo mengare-ngare'ket im baang.

Matius 13:50

Wo iténdél éra sé tou léwo' an api patunuan si ra'ica mape'de-pe'del. Am bitu séra mengamé-ngamé' oka wo mengare-ngare'ket im baang.

Matius 24:51

wo si ata itu ukuman oka i tuangna in ukumen patén wo iténdél an tampa tinéndélan sé tou punek. Am bitu oka séra maamé' akar i mengare-ngare'ket em baang.”

Matius 25:30

Wo si ata ra'ica iméma' in sapa-sapa, iwangkilo mangé sia an tampa riréimbeng. A mangé mbitu oka sia maamé' wo mengare-ngare'ket im baang.’ ”

Matius 8:12

Taan kelian tou Yahudi sé musti woo mamualio tou i Amang Kasuruan tiya' oka ang kariréimbengan si riréimbeng keli. A mangé mbitu séra maamé' oka akar mengare-ngare'ket im baang.”

Lukas 13:28

An tutuw iow suméré si Abraham, Ishak wo si Yakub wo pakasa sé nabi masalé-salé' ang Kakolanoan i Amang Kasuruan, kamu maamé' oka akar mengare-ngare'ket im baang ampa'paan kamu tiya' oka ang kesot.

Yohanes 21:18

En ulitna icua-Ku mangé ai co, an tutuw ko wo'basé', ico in esa mengawa'kes im pinggangmu wo ico mawaya' am bisake' si casalé'mu. Taan sa ko matu'ao, wéému oka eng kamamu wa'kesen é tou walina wo iwali éra oka an tampa si ra'ica icasalé'mu.”

Kisah Para Rasul 21:11

Sia mai ai cami wo indonna en tali si pakawe'ber am pinggang i Paulus. Wa'kesenna eng kama wo eng kécéina wo kumua, “Aicua i Roh Le'nas tana'i, ‘Si tou makaanu in tali anio', sia wa'kesen oka é tou Yahudi an Yerusalem wo isarakan éra oka a sé tou ra'ica Yahudi.’ ”

Kisah Para Rasul 7:54

An tutuw pakasa en itu lingan é anggota Mahkamah Agama, en até éra sumakit keli. Wo séra mae'bow ai sia ang karapi makare'ket oka em baang.

2 Tesalonika 1:9

Séra makéré oka ukuman asi Casuruan owo akar ing kauré-uré. Séra yusér i Casuruan tayang an dior-Na wo ra'io ka'i suméré ing kawangko' ing kawasa-Na.

2 Petrus 2:17

Sé guru ra'ica wutul itu, tanuoka im palemboian in dano imaperao kuma'pa tanuoka ing kambung riréimbeng iwalike' in deges repet. Séra itu aitu'tulo i Amang Kasuruan tampa ang kariréimbengan ulit.

2 Petrus 2:4

Sé malaékat indior sé mengaéma' ing kamesé-meséaan ra'ica ampungan i Amang Kasuruan, taan iténdél-Na séra an api si ra'ica mape'de-pe'del akar ing kauré-uré. Séra yuntep ang kepal rarem wo riréimbeng en se'sek am bitu akar asi endo Sia mai makim pakasa in tou.

Yudas 1:13

Séra itu tanuoka in sempa' wangker si tumela'u in lewa' wo i noo an ta'sic. Séra itu ka'i tanuoka sé sumesendot sé ra'ica metu'tul si asalo mengéra-ngéra en tampana. En tampa é tou itu tinu'tulo i Amang Kasuruan asi tampa uli-ulit riréimbeng akar ing kauré-uré.

Yudas 1:6

Taniitu ka'i wo sé malaékat sé lumébéo maké ing kakawasaan si aitantuo ai séra wo itumela'uo im patawoian éra. Séra yuntep asi tampa si uli-ulit riréimbeng, am bitu séra wina'kes i ranté si ra'ica kawukaan akar ing kauré-uré. Séra tinang am bitu akar asi endo pengaakiman en akimen asi endo wangko' itu.

Wahyu 21:27

Taan sapake' mangé sé najis kuma'pa sé tou mengaéma' sé karican oka mai kuma'pa kotowo ra'ica toro muntep asi kota itu. Sé ro'na muntep asi kota itu, wayake' sé tou e ngaran éra aipatico an untep ing kitap katouan i Toyaang i Domba itu.