Matius 21:46 - En Taar Weru a nunuwu' é Tontemboan

⁴⁶ Anaé, raméjin éra in tumangka' Sia, taan icaindé' éra sé tou keli, ampa'paan kailekan éra si Yesus itu nabi.

Matius 21:46 ပူးပေါင်းရင်းမြစ်များ

Matius 21:11

Isowat é tou keli sé makiit si Yesus, “Sia itu si nabi Yesus a Nazaret owo si ang Galilea!”

Matius 21:26

Taan sa icuata, ‘Asé tou owo’, caindé'ta sé tou keli itu, ampa'paan paanggapen éra si Yohanes itu esa nabi.”

Matius 21:45

An tutuw é kikiiten é imam wo sé tou Farisi iluminga in andéan aicua i Yesus, makala'uso kailekan éra en aicua i Yesus itu andumoro' iséra.

Matius 22:1

Wo icua ka'i i Yesus ai séra maké in andéan.

Markus 11:18

An tutuw é kikiiten é imam wo sé makailek wutul in Torat luminga andumoro' ing kamamualian itu, séra rumaméji maté Sia. Taan icaindé' éra Sia ampa'paan en sususuien-Na iméma' pakasa sé tou mangaya-ngaya'ka'.

Lukas 7:16

Pakasa sé tou am bitu maindé' wo séra rumayo wo sumiri' si Amang Kasuruan. Icua éra, “Si esa nabi wangko' an unertao! Si Amang Kasuruan imayo en lumowir sé tou-Na!”

Lukas 7:39

An tutuw i tou Farisi si menot si Yesus suméré sapa e niéma' i wéwéné itu, sia kumua an untep in aténa tana'i, “Sa Sia uli-ulit nabi, tantu kailekan-Na si séi si wéwéné itumimboi ai Sia anio' wo tantu kailekan-Na sapaoka si wéwéné itu wéwéné menonou ang kamesé-meséaan.”

Yohanes 7:30

An tutuw i Yesus kumua in taniitu, raméjin éra in tumangka' Sia. Taan ra'ica wana mandé esake' tou e méma' in sapa-sapa ai Sia ampa'paan ra'ipé' mai en témpo si aitantuo i Amang Kasuruan.

Yohanes 7:7

Sé tou ang kayo'baan anio' ra'ica masuut icamu, taan Yaku icasuut éra ampa'paan pengakua-Ku em paémaan éra léwo'.

Kisah Para Rasul 2:22

Éi tou Israel, linganai sumama-sama' en cuaku anio'! Si Yesus tou Nazaret itu ayutuso mai i Amang Kasuruan. Wo kailekanta sapaoka si Amang Kasuruan maké Sia en tumuru' ing kawasa wo ing kakaya'kaan-kakaya'kaan wo tuu-tuus sé ra'io icakua sé mamuali an uner iow.