Matius 21:44 - En Taar Weru a nunuwu' é Tontemboan

⁴⁴ Wo si séike' en lumepok asi watu itu, sia mamu'muk oka. Wo si séi e rongkoran im batu itu, sia makamu'mu-mu'muk oka tanu awu.]”

Matius 21:44 ပူးပေါင်းရင်းမြစ်များ

Matius 21:43

Ta'néien sumama-sama' en anio'! Indon oka sumawel i Amang Kasuruan en hak iow mamuali tou ang Kakolanoan-Na, wo iwéé-Na oka en hak iow itu a sé bangsa walina sé masalé' le'tek maéma' ing kasalé'an-Na. [

Matius 21:45

An tutuw é kikiiten é imam wo sé tou Farisi iluminga in andéan aicua i Yesus, makala'uso kailekan éra en aicua i Yesus itu andumoro' iséra.

Matius 26:24

Si Toyaang i Tou maté oka tanu in aipatic ang Kitap Le'nas andumoro' Sia. Taan icawangkuro mio' si tou sumarakan Sia, aweso taré si tou itu ra'ica aitou ang kayo'baan.”

Matius 27:25

Wo isowat é tou keli itu, “Mandéo icami wo sé toyaang ami e mamuléng andumoro' im papaté i Tou anio'.”

Lukas 2:34

Wo si Simeon sumombayang mangilek a si Amang Kasuruan wosama' méé mai ing kamang ai séra. Wo icuana a si Maria inang i Toyaang itu, “Maria, si Toyaang anio' aitantuo i Amang Kasuruan e mai mukum sé kelian tou Israel sé ra'ica maéman a si Casuruan wo mai lumowir kelian tou Israel sé maéman ai Sia. Wo si Toyaang anio' mamuali oka tuus tanu popokéi i Amang Kasuruan a sé tou iméma' ing kamesé-meséaan. Taan Sia icélong oka é tou keli.

Lukas 20:18

Si séike' en lumepok asi watu itu, sia mamu'muk oka wo si séi e rongkoran im batu itu, sia makamu'mu-mu'muk oka tanu in awu.”

Yohanes 19:11

Isowat i Yesus, “Ico ra'ica makaanu kawasa sapa-sapa a Yaku sa eng kawasa itu ra'ica aiwéé mai ai co an dangka' owo. Ampa'paan in itu si tou sumarakan Yaku ai co, eng kamesé-meséaanna lébé uter wo eng kamesé-meséaanmu.”

Roma 9:33

Wéanio' rékén sumama-sama', tanu in aipatic ang Kitap Le'nas tana'i, “Aiweta'-Kuo ang kuntung Sion esa watu e méma' sé tou icasangkil, si esa watu wangker si méma' oka sé tou icalepok. Taan si séi e maéman a si Casuruan, ra'ica ipapalawi'.”

1 Tesalonika 2:16

Séra itu rumaméji mengala-ngala' icami wosama' kami ra'ica toro kumua in taar i Amang Kasuruan a sé tou ra'ica Yahudi, émaan éra sé tou itu ra'ica malowir. Wo in taniitu eng kamesé-meséaan éra mengawe-ngaweso akar ra'io icakua. Wo intarépé' eng kae'bowan i Amang Kasuruan itumenao iséra.

1 Petrus 2:8

Wo awéan ka'i en aipatic, “Si watu itu mamuali watu pasangkilan akar icawangkur.” Eng kaangéanna séra casangkil asi watu itu akar cawangkur ampa'paan séra ra'ica maéman wo ra'ica makiit in Taar i Amang Kasuruan, tanu siituo en aitantu mai i Amang Kasuruan ai séra.