Matius 21:43 - En Taar Weru a nunuwu' é Tontemboan

⁴³ Ta'néien sumama-sama' en anio'! Indon oka sumawel i Amang Kasuruan en hak iow mamuali tou ang Kakolanoan-Na, wo iwéé-Na oka en hak iow itu a sé bangsa walina sé masalé' le'tek maéma' ing kasalé'an-Na. [

Matius 21:43 ပူးပေါင်းရင်းမြစ်များ

Matius 12:28

Taan sa Aku musér si sétang maké ing kawasa i Roh i Amang Kasuruan, en ulitna si Amang Kasuruan Kumawasao tanu Kolano an uner iow.

Matius 21:41

Isowat éra a si Yesus, “Tantu paténna oka sé tou léwo' itu, wo en umana itu iséwana oka a sé matawoi walina sé masalé' méé im buéna in uma itu ai sia an orasna in upuun.”

Matius 21:42

Wo icua i Yesus ai séra, “Ra'ipé' réén binaca miow si aipatic ang Kitap Le'nas icumua in tana'i, ‘Watu aitiya' é bas, imamualio watu patuuran. Niéma' i Amang Kasuruan en itu, wo sérénta e niéma'-Na itu uli-ulit ra'io cakua!’

Matius 21:44

Wo si séike' en lumepok asi watu itu, sia mamu'muk oka. Wo si séi e rongkoran im batu itu, sia makamu'mu-mu'muk oka tanu awu.]”

Yohanes 3:3

Isowat i Yesus, “En ulitna icua-Ku mangé ai co, sa si esa tou ra'ica touen sumawel sia ra'ica mamuali tou i Amang Kasuruan ang Kakolanoan-Na.”

Yohanes 3:5

Isowat i Yesus, “En ulitna icua-Ku mangé ai co, sa si tou ra'ica touen sumawel an dano wo e Roh i Amang Kasuruan, sia ra'ica muntep ang Kakolanoan i Amang Kasuruan.

1 Korintus 13:2

Mandé ka'i aku tinambéranai ing kamang eng kumua in taar i Amang Kasuruan, makailek im pakasa sé paene-enep, makaanuo waya ing kakailekan, wo makaanu im paémanen lumeke-lekep e ro'na méra ing kuntung, taan sa aku ra'ica mengaupus sé tou walina, yaku uli-ulit ra'ica wana torona.

1 Petrus 2:9

Taan kamu anio' bangsa sé sinisiro i Amang Kasuruan, imam sé maselewir a si Amang Kasuruan si Colanota, bangsa sé line'nas-Nao wo ka'i mamuali anu-Na. Kamu im baya imamuali tanu siitu wosama' ro'na ipakua-kua miow a sé tou andumoro' sé kakaya'kaan sé niéma'o i Amang Kasuruan. Siao en tumowa icamu kumesot ang kariréimbengan wo muntep asi sendot-Na wangko'.