Matius 21:39 - En Taar Weru a nunuwu' é Tontemboan

³⁹ Wo tangkaan éra si toyaang i makauma itu, wo iwangkil éra ang kesot in uma wo patén éra.

Matius 21:39 ပူးပေါင်းရင်းမြစ်များ

Matius 21:38

Taan an tutuw i toyaang i makauma itu sérén é matawoi in uma itu wo séra mengkuanan, ‘Siao e makaanu in uma anio' sa. Mayoo paténta sia wo en uma anio' mamuali oka anuta.’

Matius 21:40

Sa si makauma itu mai, sapa en émaan oka i makauma in anggor a sé tou matawoi itu?”

Matius 26:50

Wo icua i Yesus ai sia, “É karapi, siitu réén en aienmu?” Wo séra rumiit tumimboi si Yesus wo tangkaan éra Sia.

Matius 26:57

Kekawus éra tumangka' si Yesus, wo iwali éra Sia am balé i imam wangko' Kayafas. A mangé mbitu imali'uso mai sé makailek wutul in Torat wo sé matu'a é tou Yahudi.

Yohanes 18:12

Kumawus in itu, si kikiiten é suraro Romawi wo sé suraro wo ka'i sé mengatéir im Balé Le'nas sé iparu'du' é kikiiten é agama Yahudi, tumangka' si Yesus wo wa'kesen éra.

Yohanes 18:24

Kumawus in itu, iru'du' i Hanas sé tou e makawali si Yesus a si imam wangko' Kayafas. An tutuw itu eng kama-Na pakawa'kesené'.

Kisah Para Rasul 2:23

Si Yesus anio' aisarakano i Amang Kasuruan ai camu kiit im basa-Na. Wo Sia aisalip wo pinatéo miow ang karapi in sumarakan Sia a sé tou sé ra'ica makiit in ukum.

Kisah Para Rasul 4:10

musti kailekan iow im baya wo sé tou Israel, sapaoka si tou anio' imasama' ampa'paan ing kawasa i Yesus Kristus si tou Nazaret si aisalip iow, taan tinou sumawel i Amang Kasuruan an uner é tou imaté. Wo ampa'paano si Yesus ituo, akar si tou anio' imasama' wo ro'na makatulung an dior iow.

Kisah Para Rasul 5:30

Si Amang Kasuruan si paapo'an é apo-apo'ta, Siao en tumou sumawel si Yesus si aisalip iow.

Kisah Para Rasul 7:52

Icuao mai, si séi sé nabi ra'ica niokoi é apo-apo' miow? Taan taré pinaté érake' sé nabi sé riorai mengakua andumoro' si Tou Wutul mai, wo intarépé' Sia kinianato wo pinatéo miow.

Yakobus 5:6

Kamu mukumo wo matéo sé tou nianggap wutul i Amang Kasuruan, wo ra'ica kawooan éra sumundur icamu.