Matius 21:37 - En Taar Weru a nunuwu' é Tontemboan

³⁷ Sumiwakio', ru'du'na si toyaangna in esa mangé ai séra icuana, ‘Sa si toyaangku in esa tantu siriin éra oka.’

Matius 21:37 ပူးပေါင်းရင်းမြစ်များ

Matius 21:36

Wo iru'du'na ka'i sumawel sé atana walina maangé a sé matawoi in uma, kumeli mai wo sé airu'du'na kataré. Taan e niéma' é matawoi in uma a sé ata itu puté ka'i wo si niéma' éra a sé ata sé airu'du' kataré.

Matius 21:38

Taan an tutuw i toyaang i makauma itu sérén é matawoi in uma itu wo séra mengkuanan, ‘Siao e makaanu in uma anio' sa. Mayoo paténta sia wo en uma anio' mamuali oka anuta.’

Matius 3:17

Wo kalingaan en suara an sorga owo makua, “Si anioo si Toyaang-Ku, si caupus-Ku. Siao e mengaarui in até-Ku.”

Markus 12:6

Si aicatela'u waya oka in esa tou, si toyaang ipaupu-upusna. Sumiwakio', ru'du'na si toyaangna mangé ai séra, icuana, ‘Sa si toyaangku in esa tantu siriin éra oka.’

Lukas 20:13

Wo icua i makauma itu an untep in aténa, ‘Sapapé' e musti émaanku? Aweso taré iru'du'ku si toyaangku si paupu-upusku, tantu sia siriin éra oka.’

Yohanes 1:18

Ra'ica wana tou en sumangkumo suméré si Amang Kasuruan, wayake' si Toyaang-Na Esa-esa. Sia meputé wo si Amang wo susut keli ai Sia. Siao en cumua ai cita andumoro' si séi si Amang Kasuruan itu.

Yohanes 1:34

Sinérékuo in esa, anaé yaku méé ing kasairian sapaoka Siao si Toyaang i Amang Kasuruan.”

Yohanes 3:16

Ampa'paan taloso wangko' eng kaupusan i Amang Kasuruan a sé tou ang kayo'baan anio' akar iwéé-Na mai si Toyaang-Na si Esa-esa, wosama' si séike' si maéman ai Sia ra'ica maté taan makéré ing katouan akar ing kauré-uré.