Matius 21:28 - En Taar Weru a nunuwu' é Tontemboan

²⁸ “Wo sa iciit icamu, tambisa andumoro' in andéan anio'? Awéan esa amang makatoyaang rua tuama. Asi makasa sia mangé a si toyaangna luluna, wo icuana, ‘Toyaangku, asi endo anio' ico mangéo tumawoi an uma in anggor.’

Matius 21:28 ပူးပေါင်းရင်းမြစ်များ

Matius 17:25

Wo isowat i Petrus ai séra, “Én, Sia mengawér.” Wo an tutuw i Petrus muntep am balé, sia rinioran i Yesus mamuéi “Simon, sa iciit ico, si séi e musti mengawér im pajak a sé kolano sé makatimboi ing kakawasaan ang kayo'baan anio'? Sé toyaang éra kuma'pa sé tou walina?”

Matius 20:1

Icua i Yesus, “Taniitu ka'i andumoro' ing Kakolanoan in Sorga meputé wo in andéan anio'. Awéan esa tou maka- uma wo en umana niusewan in anggor. Matawi mando, sia kumesot e mangéré tou mangé tumawoi an uma in anggorna.

Matius 21:27

Wo isowat éra a si Yesus, “Ra'ica kailekan ami!” Wo icua i Yesus ai séra, “Sa taniitu, ra'ica icua-Ku ka'i ai camu asi séi owo eng kawasa a Yaku akar émaan-Ku waya en itu.”

Matius 21:29

Isowat i toyaang itu, ‘Ra'ica kiimku é amang.’ Taan sia imangéke' an uma in anggor.

Matius 21:33

“Lingan iow ka'i si esa andéan walina: Awéan si esa makauma imuka' uma usewan in anggor wo pagerenna waya en lumi'cir in uma itu. Wo sia kuma'il esa lo'beng an tana' em patepesan in anggor. Wo toorna terung rangka' an uma itu, paento'an i matéir in uma. Wo iséwana en uma itu a sé tou matawoi in uma kumawus in itu sia mangé an doong walina.

Matius 22:17

Anaé, icua mai i Guru ai cami, sa iciit si Guru, ro'na réén kami mér im pajak a si Kaisar kuma'pa ra'ica?”

Markus 13:34

En oras itu tanu si esa tou tumela'u im baléna ampa'paan mangé an tampa tayang. Ra'ipé' mangé sia, tinokéannao sé atana e murus im balé wo ka'i icuana en tawoien éra si esa wo si esa. Iru'du'na si matéir im balé wosama' matéi-téir akar sia maréngai.

Lukas 13:4

Kuma'pa, pawasan iow réén sé sangapulu' walu tou imaté rine'baan i menara an Siloam, eng kameséaan éra lumébémai wo eng kameséaan é tou walina sé maento' an Yerusalem?

1 Korintus 10:15

Ipakuaku andumoro' sé anio' ai camu ampa'paan kailekanku sapaoka kamu tou awéan kapinteran. Anaé, camu oka in esa e merot sé ipakuaku anio' wutul kuma'pa ra'ica.

1 Korintus 15:58

Ampa'paan in ituo é poo-poow sé icaupusku, keteren em paémanen iow wo ra'ica toro marua-rua wasa. Wo mare'de-re'dem an tawoien i Casuruan, ampa'paan kailekano miow sapaoka sé tinawoi iow an dior i Casuruan ra'ica wana si ra'ica wana en torona.