Matius 21:27 - En Taar Weru a nunuwu' é Tontemboan

²⁷ Wo isowat éra a si Yesus, “Ra'ica kailekan ami!” Wo icua i Yesus ai séra, “Sa taniitu, ra'ica icua-Ku ka'i ai camu asi séi owo eng kawasa a Yaku akar émaan-Ku waya en itu.”

Matius 21:27 ပူးပေါင်းရင်းမြစ်များ

Matius 15:14

Wayao mio' sé tou itu. Séra tou wola sé maakin sé tou wola. Sa sé tou wola maakin sé tou wola, séra in dua tantu lumepok oka an lo'beng.”

Matius 16:3

wo asi mamoondo, sa en langit mariréimbengo, icua miow, ‘muran oka réén.’ En tuus sé kaséréan an langit ro'na kakailekan iow en itu mamuali, taan en tuu-tuus in jaman ra'ica kailekan iow.

Matius 21:26

Taan sa icuata, ‘Asé tou owo’, caindé'ta sé tou keli itu, ampa'paan paanggapen éra si Yohanes itu esa nabi.”

Matius 21:28

“Wo sa iciit icamu, tambisa andumoro' in andéan anio'? Awéan esa amang makatoyaang rua tuama. Asi makasa sia mangé a si toyaangna luluna, wo icuana, ‘Toyaangku, asi endo anio' ico mangéo tumawoi an uma in anggor.’

Yohanes 9:30

Isowat i tou itu ai séra, “Sia e méma' im berenku ro'na maséré, taan icaéranku ra'ica kailekan iow am bisa owo Sia mai!

Roma 1:28

Wo paweroten éra ka'i, ra'io sangali makatuus si Amang Kasuruan, ampa'paan in ituo iwaya i Amang Kasuruan em pakawerot éra icasélé'kow, akar séra mengaéma' sé ra'ica patus émaan éra.

2 Korintus 4:3

Sa en Abar Kaaruien andumoro' i Yesus Kristus sé ipakua ami ra'ipé' kaangéan, en itu ra'ipé kaangéan é tou sé ang karoro'an maangé am papaté.