Matius 21:26 - En Taar Weru a nunuwu' é Tontemboan

²⁶ Taan sa icuata, ‘Asé tou owo’, caindé'ta sé tou keli itu, ampa'paan paanggapen éra si Yohanes itu esa nabi.”

Matius 21:26 ပူးပေါင်းရင်းမြစ်များ

Matius 11:9

Anaé, sapa en torona miow maangé? Mangé réén sumére si nabi? En itu wutul, taan icua-Ku mangé ai camu, sa si Yohanes itu lumébémai wo si nabi.

Matius 14:5

Mandé ka'i casalé' i Herodes e maté si Yohanes, taan caindé'na sé tou keli ampa'paan weroten é tou si Yohanes itu nabi.

Matius 21:11

Isowat é tou keli sé makiit si Yesus, “Sia itu si nabi Yesus a Nazaret owo si ang Galilea!”

Matius 21:25

Sa iciit icamu, si Yohanes Mabaptis maptis sé tou imaké réén ing kawasa i séi? Asi Amang Kasuruan owo kuma'pa asé tou owo?” Wo séra wo i séra mengkuanan, “Sa icuata, ‘Asi Amang Kasuruan owo’, tantu icua-Na oka ai cita, ‘Sa taniitu, kéitu réén sia ra'ica percayan iow?’

Matius 21:27

Wo isowat éra a si Yesus, “Ra'ica kailekan ami!” Wo icua i Yesus ai séra, “Sa taniitu, ra'ica icua-Ku ka'i ai camu asi séi owo eng kawasa a Yaku akar émaan-Ku waya en itu.”

Matius 21:46

Anaé, raméjin éra in tumangka' Sia, taan icaindé' éra sé tou keli, ampa'paan kailekan éra si Yesus itu nabi.

Markus 11:32

Taan ra'ica wona' mamuali sa icuata, ‘Asé tou owo’. Caindé' éra sé tou keli itu ampa'paan paanggapen éra sapaoka si Yohanes itu wutu-wutul esa nabi.”

Markus 12:12

Kelinga in itu, makala'us kailekan éra sa si Yesus masindir ai séra maké in andéan itu. Ampa'paan in itu raméjin éra in tumangka' Sia. Taan séra maindé' a sé tou keli, siituo iwaya éra Sia wo séra mangé.

Markus 6:20

Ampa'paan si Yohanes pengasiriin i Herodes wo kailekanna si Yohanes itu tou wutul wo le'nas. Anaé, sia linoindong i Herodes, taan susurna in luminga si Yohanes manuwu' sia ra'io makaaté in sama' mandé ka'i sia mendam in arui mengalinga si Yohanes manuwu'.

Lukas 20:19

Kelinga in andéan aicua i Yesus, kailekano é makailek wutul in Torat wo sé kikiiten é imam sapaoka en andéan itu tumuru' iséra. Ampa'paan in ituo asi témpo ituke' raméjin éra in tumangka' Sia, taan caindé' éra sé tou keli.

Lukas 20:6

Taan sa icuata asé tou owo, tantu kita wangkilen é tou im batu, ampa'paan percayan éra sapaoka si Yohanes itu esa nabi.”

Lukas 22:2

Sé kikiiten é imam wo sé makailek wutul in Torat maéré-éré lalan tumambisa e maté si Yesus, ampa'paan séra maindé' a sé tou keli.

Yohanes 5:35

Si Yohanes itu kaputé in sosoloan maembung wo masendot. Wo kamu arui tumerima in sendotna itu, taan en itu ang karoro'anke'.

Yohanes 9:22

Sé matu'ana icumua in taniitu, ampa'paan icaindé' éra sé kikiiten é tou Yahudi itu. Ampa'paan sé kikiiten é tou Yahudi imeesao, si séike' e mangaku si Yesus itu Mesias, séra itu ra'io toro muntep am balé paapo'an é agama Yahudi.

Kisah Para Rasul 5:26

Kelinga in itu, si capala matéir im Balé Le'nas wo sé tou ipawali-walina mangé am Balé Le'nas wo mindo sé ruru'du'an itu ang karapi in sama' ampa'paan icaindé' éra oréoka séra wangkilen é tou keli im batu.